604 EX S. C. RITUUM

Ceux qui les abitoient, n'eurent le tems de sauver leurs vies en sor- tant de leurs maisons, sans pouvoir en rien emporter. La Sœur De- lanoue se trouva du nombre des affligés: elle perdit tout son linge, et presque tous ses meubles sous les ruines de la maison qu'elle avo it occupée. L'on fit venir les Juges, pour tâcher de retirer en leur présence les petits pauvres, logés dans la cave, et que l'on croyoit mort: on les tira cependant sains et pleins de vie, à l'exception d'une petite fille qui y demeura écrasée ".

Ecquis vel rigidissimus Censor tam immanem calamitatem, quae Dei Famulae summi doloris causa fuit, in eiusdem dedecus verten- dam dicet? Ecquis potius non mirabitur invictam constantiam, qua subsannantium hominum dicteria et contemptum pertulit, atque or- phanarum superstitum necessitatibus occurrere valuit, auxiliis omni- bus destituta? Profecto nonnisi strenua constantia animi et incredibili in Deum fiducia potuit assequi Dei Famula, ne eius Institutum in ipsis exordiis corrueret. Deerant opes, omnia videbantur inceptis adversari; institit illa, divina bonitate confisa, eaque mirum in mo- dum iuvante, inter omnigenas difficultates et contradictiones bene- ficentissimae Congregationis opus instituit ampliavitque, quod nulla ope perfici posse videbatur. Hinc patet quam verissime a Teste, quem laudat Animadversio, dictum fuerit de popello Servam Dei tanta calamitate percussam contemnenti quasi perperam in divino prae- sidio confiderei: - On se trompait: la Providence commençait vé- ritablement -. Et re sane vera quisque universam Ancillae Dei vitam, eiusque institutionis exordia, vicissitudines atque propagationem mente et animo complectitur, optimo iure de illa praedicari posse fateatur oportet, quae de S. Caietano Thienaeo scripta sunt. u In suscepto vitae instituto constantissime perseveravit, soli divinae pro- videntiae inhaerens, quam sibi nunquam defuisse aliquando mi- racula comprobarunt " (In Brev. Rom. ad diem 7 Augusti).

Quae cum ita sint, hoc unum nobis reliquum est, ut bonam quam diximus causam Patrum Emorum sapientiae atque benignitati commendemus, eosque obsequenti animo obtestemur, ut - veterem hanc margaritam, cuius splendorem tempus non obnubilava, quae vetustatis rubiginem non sensit- (S. Ioan. Chrisost. de Iuvent, et Maxim.), lapidibus pretiosis adiicere velint, quibus sacrarum virgi- num corona exornata refulget. Hoc ipsum exposcit religiosissimus causae Postulator Rmus P. Vincentius Ligiez una cum meritissima Congregatione a Dei Famula instituta, quae nil magis exoptat quam ut felix illa dies aliquando illucescat, qua parentem suam Sanctorum honoribus decoratam auspicem caelestem venerari queant.