605

EX S. CONGREGATIONE CONCILII

PARISIEN.

NULLITATIS MATRIMONII.

Die 17 Decembris 1898. Sess. 24 cap. 1. de ref. matr.

COMPENDIUM F A C T I . Sybilla Comitissa, duodeviginti annos tunc nata, non minus nobilitate generis, quam vetustate corporis praeclara, die 26 maii an. 1884, Parisiis in sa- cello Nuntiaturae Apostolicae, matrimonium iniit cum Ale- xandro Marchione in aetate annorum circiter novem supra viginti constituto.

Sed hoc matrimonium, non obstante mutua coniugum cohabitatione plurium annorum, infelices exitus habuit ; quandoquidem videtur Sybilla non libere, sed gravi metu a matre coacta viro nupsisse. Narratur enim, quod puella, sexdecim annos tunc nata, vehementi amore capta est in virum, cui nubere non poterat. Quare ad illam ab isto amore revocandam, mater statuit filiam, nulla interposita mora, alii viro in matrimonium dare, atque Alexandrum elegit, qui sex post mensibus, dum haec fiebant, eam in matrimo- nium petiit.

Verum Sybilla, vel quia adhuc prohibito amori corde adhaerebat, vel quia eidem Alexander displicebat, proposi- tas nuptias respuisse dicitur. Frustra tamen; mater enim filiae hoc coniugium imposuit, atque, si vera sunt quae narrantur, ad extorquendum eiusdem consensum non coa- ctiones morales dumtaxat adhibuit, sed quandoque etiam physicas.

En quomodo ipsa actrix in supplici libello Supremo Prin- cipi oblato rem narrat : « Quindi una lotta disperata di aspre contese, minaccie di reclusione, anzi reclusione effet- tiva in una stanza, d'onde per tre settimane Foratrice non