C O N T R A C T U U M E T M O N I T O R I I

Die 19 Februarii et 9 Aprilis 1870.

C o m p e n d i u m f a c t i . Paroecialis ecclesia A olim inter di- tiores totius dioecesis N recensebatur. Labentibus annis ob red- dituum defectum Parocho destituta est, qui curam eius gereret.

Huius detrimenti causam perquirens novus Episcopus in prima, quam obivit, pastorali visitatione eam derivare iudicavit partim ex eo quod praedia nonnulla ad paroecialem ecclesiam pertinentia ad -alios pervenerint turpi usurpatione, partim ex eo quod Livellarii, seu qui rependere deberent annuos census vel praestationes, persolvere detrectarent; partim denique ex eo quod Emphyteutae, inconsulto Parocho, fundos alienaverint, quin lau- demia solverent neque instrumenta ad recognoscendum domi- nium configerent.

Episcopus ad medelam huic malo afferendam haec publice edixit: se ex novis ac vetustis documentorum locis detexisse I o fundos nonnullos rústicos ad eam ecclesiam certo pertinentes possideri in praesentia ab extraneis sine legitimo titulo quamquam usurpatio oblecta fuerit sub colore devolutionis vel renuncia- tionis ab eis factae qui utile prius haberent fundorum dominium: inter eos tres nominavit fundos seu praedia, scilicet praedium A, B et C. Postea denuntiavit, plures Livellarios seu qui census vel annuos canones et praestationes solvere illi ecclesiae debe- rent, haud solvere, atque fundos dominii variis modis libere alienare.

Hinc illegitimos possessores ac debitores ad resarcienda damna hortatus est, censuras memoriae revocando, quae legibus ecclesiasticis contra huiusmodi usurpatores constitutae sunt, monens eos omnes, qui cum dolo possiderent seu retinerent fundos ad eam ecclesiam pertinentes, in censuras ecclesiasticas incurrisse; nec non eos, qui debitores essent et tamen non sol- verent quod deberent, eosque omnes exhortatus est, ut quampri- mum suae conscientiae consulerent atque iustitiae satisfacerent.

Praeterea edixit, ut fundorum conductores praestationes an- nuas parsolverent paroeciali ecclesiae; minime vero Locatoribus*- idque sub poena duplicis solutionis.