€06 S. IACOBI DE CUBA

fenstuel ad lib. i Decret, t. II De semp. ord. n. 63: « Suf- ficit autem annus huiusmodi saltem inchoatus, etsi tantum per medium diem aut unicam horam sit inchoatus... Idque patet ex praxi Ecclesiae quae sic c tatum decretum Triden- tinum semper intellexit. » Item ad rem docent Barbosa in Collect, ad C. Trid. ad cit. cap. num. 2* Ferraris v. Ordo art. 2 n. 78, ac passim omnes.

Pariter quoad aetatem pro Episcopatu requisita idem Tri- dentinum cap. 1 sess. 7 statuit ut ad « cathedralium eccle- siarum regimen nullus nisi... aetate matura, gravitate mo- rum etc. iuxta const. Alexandri III quae incipit Cum in cunctis... assumatur. » Citata autem constitutio praescribit, « ut nullus in Episcopum eligatur, nisi qui iam trigesimum annum aetatis exegerit. »

Cum autem textus hac in re dicat exegerit, videretur pro Episcoporum ordinatione requiri triginta annos iam com- pletos, idest iam exactos. Et revera Ferraris I. c. n. 79 haec tradit: « Pro Episcopatu requiruntur 30 anni com- » pleti... Communis cum Barbosa sess. 7 cap. 1 n. 5. » At vero Barbosa cit. I. non huius amussim videtur, sed potius contrariae. Ait namque in collect, ad cit. loc. Iuxta textum capitis « Cum in cunctis, nullus ad Episcopatus culmen pro- moveri potest, nisi qui iam trigesimum aetatis suae annum exegerit, idest ingressus fuerit; sed per dictam constitutio- nem Gregorii XIV, quae incipit Onus apostolicum, expletum desiderari tenent Gutier » aliique plures quos ille recenset. Quapropter etiam in duriori casu quando nempe legislator hac loquutione usus est « nullus eligatur.... nisi qui iam trigesimum annum aetatis exegerit » non censetur unde- quaque certum requiri annum completum, sed vel incoeptum sufficere traditur.

Unde tandem sic posset ratiocinari: si in casu s. Ordi- nationis et in ipsa Episcopi electione, quando sermo est de aetate, annus incoeptus habetur pro completo; iam non vi- detur ratio, curnam idem principium applicari non debeat etiam in casu poenitentiarii.