606 P ANORMIT AN A

consensum Conceptae tradidit in nuptiarum celebratione et quo se post initum matrimonium gessit. Siquidem id lucu- lentissime evinci putat testimonio parochi Vincentii Panzera, coram quo matrimonium celebratum fuit. Ipse enim retulit quod mulier esset hilaris, homo vero implicatus, et magna cum difficultate post matrimonium praebuit proprium nomen. At non modo ex huiusmodi narratione patere edicit orator, consensum Francisci, neque liberum, neque plenum fuisse sed praeterea ex subsequenti illius agendi ratione. Sane tum con- iuges , cum testes declarant, virum matrimonii consumma- tionem renuisse et post biduum reliquisse domum coniugalem ut Lycium peteret.

Demum nullitatis vitium plane scatere asserit ex non servata matrimonii forma, quae a Tridentino praescribitur sess. XXIV cap. 1. Siquidem compertum esse recolit, ut rite recteque matrimonium ineatur, celebrari debere coram parocho et duobus testibus. Qualis autem parochi et testium praesentia esse debeat sic tradi memorat a Sánchez De ma- trim, disput. XXXIX, num. 1: « In hac disputatione con- stat necessariam esse, ad valorem matrimonii, praesentiam parochi et testium non tantum physicam, idest corpoream, sed praesentiam moralem et humanam, quae ultra physicam addit usum rationis et advertentiam ; itaque exigitur ut pa- rochus et testes usum rationis habeant, et intelligant con- sensum utriusque contrahentis. Unde si essent ebrii vel dor- mientes, vel non adverterent, vel testes essent infantes, non valeret matrimonium. > Cuius doctrinae ratio deducitur ex lege 209 ff. De verb. et rev. signi f. Porro procul dubio esse censet orator unum ex duobus testibus, nempe Vincen- tium Utro matrimonii celebrationi non humano more adfu- isse; sciscitanti enim vinculi defensori fatetur: se millies iurare posse sese nihil audivisse neque a Corallo, neque a pu- ella. Huiusmodi vero testimonium plurimi faciendum esse adnotat, tum quia sub iurisiurandi vinculo fuit editum, tum etiam eo quod Vincentii Utro vitae integritatem ecclesiasti- cae simul et civiles auctoritates testantur. Neque contra va-