CONTRACTUUM ET MONITORII 607

Denique indixit, ut omnes Livellarii, Emphyteutaè ac pos- sessores fundorum, quorum dominium directum ad paroecialem ecclesiam pertineret, intra bimestre tempus instrumenta confi- cerent pro recognitione dominii et solutione Laudemiorum; eoque inutiliter elapso, poenam caducitatis edixit.

In hoc Edicti publici contextu, quamvis nullum usurpato- rum nomen evulgatum fuerit, aegro tamen animo illud tulit Antonius, qui supplicem libellum SS.mo Patri obtulit, enarrans, se eodem ipso anno vendidisse Iosepho per publicum Instru- mentum Romas confectum quaedam parva praedia gravata ca- none pro ecclesia paroeciali: sua interesse, inquit, ut publicum Episcopi monitum abrogaretur, ne ipse onera emptoris perferre cogeretur: atque enixis precibus postulavit, ut irrita declararetur iniusta rosolutio Episcopi non solum ut contraria legum dispo- sitionibus, sed etiam ut excedens Episcopi auctoritatem.

Hoc accepto libello, rogatus est Episcopus pro informatione et voto, et ut audiret in scriptis Archipresbyterum, ac transmisso exemplo Decreti S. Visitationis, referret de primitiva impositio- ne canonis, de transitu dominii utilis ad tertios, ac praesertim de Instrumento die 3 Maii eiusdem anni, deque aliis omnibus ad rem facientibus.

Episcopus mandatis obsequutus, transmissis documentis, monuit se in Edicto haud expressam fecisse mentionem alicuius possessoris fundorum, sed eos oppidanos omnes indistincte com- pellasse, ut, si aliquid ex iuribus ecclesiae usurpassent, damna illata mensae paroeciali sarcirent ac suae insimul conscientiae consulerent. Quod si de nonnullis fundis expressa facta fuerit mentio, ideo id factum fuisse, « quia illarum recentior et ad no- « titiam omnium erat usurpatio et quia tunc eo in oppido vo- « citabatur, talem fundorum proprietatem per contractum em- « ptionis venditionis ad tertios possessores posse transire. Pu- « tabam enim fore, ut contrahentes, si non religione, metu sal- « tem evictionis permoti, ab iniquo pacto ineundo recederent. « Eo enim tempore ab omnibus oppidanis ignorabatur, tales « fundos ab Antonio iam fuisse alienatos favore Iosephi sub die « 3 Maii, quia instrumentum alienationis ex industria forsan « ad secretum servandum Romae per acta Tabellionis N confe- « ctum fuerat ».