6 0 8 CONTRACTUUM ET MONITORII

Addidit insuper non modo potuisse, sed omnino debuisse huiusmodi Edictum proponere, ut et iura ecclesiae sarta tecta- que forent, et quisque suae conscientiae provideret. Denique quaestionem proposuit de usurpatione fundorum quos dixi.

Rebus sic stantibus Decretum de more editum est: Ponatur in folio et notificetur Episcopo, qui moneat hac de re partem re- currentem, et, si velit, ulterius deductiones exhibeat, id quoque Curiae fiscali integrum sit.

Duplex itaque mota atque proposita est S. Congregationi quaestio, quarum prima respiciebat fundorum usurpationem; quam omittimus, tum quia definita non fuit, tum quia tota in facto consistens ex pluribus adductis utrimque disparatisque documentis implexa admodum erat; indigebatque, ut in peculia- ri ordinario iudicio, servata iudicandi forma, pertractaretur; quod et Antonius postulabat. Ea tamen non omittemus quae spectant ad secundam dubitandi formulam, quaeque alicuius utilitatis esse possunt.

D i s c e p t a t i o s y n o p t i c a .

I URA AB A NTONIO DEDUCTA CONTRA M ONITORIUM. Contende-

bat Antonius Episcopum non potuisse Monitorium illud propo- nere, quin suae auctoritatis fines excederet. Id ostendere stu- duit ex eo, quod eiusmodi Monitoria fieri possint, quando defi- ciant probationes et desint media, quibus illegitimi bonorum possessores cogi valeant ad restituendum quod illegitime possi- deant. Qua de re allegavit cap. 3 sess. 25 de Ref. ubi legitur: Excommunicationes illae, quae monitionibus praemissis ad finem revelationis, ut aiunt, aut pro deperditis seu subtractis rebus ferri solent, a nemine prorsus praeter quam ab Episcopo decernantur, et tunc non alias, quam ex re non vulgari, causaque diligenter ac magna maturitate per Episcopum examinata, quae eius ani- mum moveat.. . . In causis vero iudicialibus mandatur omnibus iudicibus ecclesiasticis. . . ut quandocumque exsecutio realis vel personalis in qualibet parte iudicii propria auctoritate ab ipsis fieri poterit, abstineant se, tam in procedendo, quam definiendo a censuris ecclesiasticis seu interdicto sed liceat eis, in causis civilibus, ad forum ecclesiasticum quomodolibet perti- nentibus contra quoscumque, etiam laicos, per muletas pecunia-