SEU ROMANA. 609

brari illa virtus, quae iuxta S. Augustinum angelica portio est: in relatione causae S. Philippi Neri haec adnotari: « Ob can- » dorem suae puritatis, etiam cum aeger esset, nullam sui cor- » poris partem passus est a quoquam videri; » quin tamen ne- mo unquam ausus sit eum de inobedientia reprehendere.

Sed orationem suam Orator ample adhibuit ad ostendendam tum sanctitatis famam ex heroicis virtutibus Servi Dei dima- nasse, tum corporis incorruptionem et sanguinis fluxum natura- lem dici non posse.

Ad originem famae sanctitatis breviter recolebat quae iam ample adduxerat; ideo scilicet sanctum habitum fuisse, quia in vita praestantissimo titulo Angeli in carne decorari meritus fue- rat ob eius singularem puritatem, ob sanctas operationes, prae- sertim ob perfectissimam divinae voluntati conformationem he- roicamque patientiam in perferendis cruciatibus aegritudinis : alias nuncupatum fuisse non minus Sanctum, quam Angelus in carne ratione regularis observantiae humilitatisque : eius con- versationem opinionem ingessisse, eum verum servum Dei esse: alios ex eo deprehendisse sanctos mores et perfectionem religio- sam : et in ratione se gerendi in suis actionibus erga omnes et ubivis sese ostendisse ac retentum fuisse tamquam Religiosum in vita sancta... qui vere videretur S. Franciscus.

Post alia testimonia huius generis adducta, quae ostenderent, sanctitatis famam tum ante tum post mortem originem repetere ex Servi Dei virtutibus, ita ut optime heic locum haberet, quod docuit Ceparius Direct. Canoniz. I. 2 c. 2 his verbis: « Illi dicuntur » mori cum fama, et celebri apud multos opinione sanctitatis, » de quibus communis opinio est, et constans fama, ipsos, dum » viverent, sanctos habitos fuisse et in sanctitate perseverasse » usque ad mortem : » in examen revocavit Orator nonnulla dicta testium quae in alium sensum a Promotore intelligebantur.

Verum, gradum faciens Orator ad ea, quibus Promotor affir- maverat, naturalem habendam esse et corporis incorruptionem et sanguinis fluxum, inter caetera respondit : contingere forte quandoque posse ex morborum genere , cadaver permanere in- tegrum , quatenus videlicet exsiccatum, humanam servet figu- ram: sed eiusmodi exsiccationem, quae paulatim accidat, veram esse corruptionem , ut est putrefaccio , qua corpora in tabem

Acta tom. IV. fase. XLVII. 39