610 NEAPOLITANA

abeunt : eamdemque proinde improprie vulgo dici incorruptio- nem. Verum coram S. C. S S . Rituum cum de incorruptione agitur, ostendere necessarium esse, cadaver nullam passum fuisse alterationem neque in colore, neque in carne, neque in ossibus, neque quoad odorem. Quare Zacchiam ap. Bened. XIV. I. Ap. 1 c. SO n. 10, corpora incorrupta esse existimare, cum «haec incor- » ruptibilitas perfecta sit, ita ut cadaver ne exsiccationem qui- » dem patiatur, sed secundum corruptibiliores etiam partes in- » tegrum ac vividum non secus, quam si in vita homo degeret, » conservetur. »

Atqui, subiungebat Orator, haec omnia cernimus comprobata in pretioso Ioannis corpore. Cum enim effossum fuerit e terra, ubi ob suam-naturam caetera corpora ante spatium unius diei consumi assolent, repertum est vividum, ilexile, iucundo aspectu, oculisque apertis, ac rubentibus auribus, adeo ut potius existi- maretur homo vivens, quam mortuus, qui late fragrantem disper- geret odorem. Haec*signa etiam post triduum, immo post s e x - tum ac octavum diem a morte fuerunt visa, ac observata quo- que post quindecim et post undeviginti dierum lapsum, quin sacri eius artus aliquod immutationis specimen exhibuerint.

Immo exta explorata incorrupta sunt inventa gratum quoque perfundentia odorem, et ita ut aspicientes spiritali quoque lae- titia afficerent: cum autem haec signa omnes admirarentur, om- nes pariter superno adscripserunt prodigio.

Porro docente Scaccho, de Notis et signis sanet. sect. 9 c. 3. « Inter privilegia Christi atque notas divinae eius filiationis a » Prophetis decantatas haec quoque incorruptibilitas recensetur... » Ergo ab incorruptione cadaveris non leve aut perfunctorium » sanctitatis argumentum ad effectum Beatificationis et Canoni- » zationis educi poterit. »

Cum praeterea Promotor et fluxum sanguinis naturalem esse significaverit, illumque ab exaggeratione non immunem, Orator respondit: centum atque centum ora decantasse mirum sanguinis fluxum : namque tertia ab obitu d ie , facta a peritis corporis autopsia, mirabilem, uberem, vividumque cruorem decurrisse, qui ab adstantibus certatim devotionis causa linteis abstergeretur. Testis X. salutaris artis peritus cum chirurgicam sectionem in pectore Ioannis inspexisset, ubi vasa sanguinea extant, admira-