610 FAVENTINA

connubio verum, et sincerum defuisse consensum , qui est sacri vinculi fundamentum, ideoque matrimonium tum iure naturali, tum iure ecclesiastico nullum esse. Neque dici poterit ex cohabitatione matrimonium revalidan, cum coha- bitatio non conferat quod ab initio irritum fuit : cohabitatio vero Teresiae cum Nicolao minime spontanea, sed coacta fuit. Gravior quidem obiectio fieri poterit ex copula, quam semel et iterum sponsa se habuisse fatetur: haec tamen non sponte ac libere, et affectu maritali, idest animo vivendi coniuga- liter habita fuit, sicuti actrix pluries deposuit in suo ex- amine, sed per vim. Matrimonium vero, uti scribit Chryso- stomus, non facit copula, sed consensus : unde et sponsi domum dereliquit, nolens cum eo habitare.

His singillatim enumeratis ad declarandam matrimonii nullitatem ex defectu consensus, cum agatur de re in inti- mo corde reposita, consideranda erunt adiuncta seu proba- tiones an sufficiant ad moralem certitudinem, cum metaphy- sica haberi non possit, constituendam, quae virum pruden- tem moraliter certum reddant de ficto, et coacto consensu.

Teresiam Minzolini invitam et gravibus compressam pa- ternis minis Nicolao nupsisse non obscure colligimus, tum ex ipsius iuratis depositionibus, tum parentum, tum omnium testium unanimi confessione. Itaque habetur ea moralis cer- titudo, quam Sánchez cum aliis supra citatis docet suffice- re ad probandam matrimonii nullitatem ex defectu consen- sus, quem per vim et metum patet fuisse extortum.

Quamobrem, meo saltem iudicio, censeo sententiam Cu- riae faventinae iudicantis pro valore matrimonii esse infir- mandam et pro nullitate iudicandum.

ANIMADVERSIONES DEFENSORIS MATRIMONII EX OFFICIO. Con- nubiale foedus, quod labente anno 1873 Octobris die 13 Teresia Minzolini, 16 annos nata, cum Nicolao Vaccari, in aetate annorum 33 constituto, in i i t , discindere pertentat ab anno 1885, quasi illud contraxerit, minis a patre ad id compulsa.

Sed etsi dare velim hortationes, suasiones et forsan etiam