610 VARSAVIEN.

ratione personarum expresse tanquam validas habet, ita ut defensor vinculi Curiae Mechliniensis i. f. suarum animad- versionum Rmum Dom. Feye iis adnumeret auctoribus, qui generalem delegationem ratione personarum ut validam ad-, mittunt, quamvis nimiam generalitatem haud probent.

Pergit patronus actricis delegationes illas generales ideo non esse admittendas, quia nitantur temeraria interpreta- tione Concilii Tridentini et introducant consuetudines, qui- bus iuxta Benedictum XIV salutarium legum ecclesiastica- rum fundamenta labefactentur. At clarissimus patronus inprimis unam gravissimam rem omisit scilicet, has asser- tiones solidis argumentis probare. Porro huiusmodi asser- tiones iam in causa Coloniensi satis superque sunt refutatae, atque per decisionem in eadem causa datam penitus repro- batae; nam si quid valerent, etiam militarent contra illam decisionem Coloniensem. Id quod plane absonum est. Quae autem dicit de labefacta disciplina ecclesiastica per talem consuetudinem, incaute provocat ad Benedictum XIV. Is enim reprehendit abusus polonicos, qui duxerunt ad facilem et frequentem matrimoniorum dissolutionem, at clariss. pa- tronus praecise intendit hanc matrimonii dissolutionem, in qua obtinenda per delegationem generalem impeditur. Con- suetudo autem, quae conducit ad sustinendum valorem ma- trimoniorum a Benedicto XIV non recensetur inter con- suetudines, quae disrumpant nervum ecclesiasticae disci- plinae.

Non movetur patronus exemplis aliarum regionum, quae in causa Coloniensi fuerunt allegata, cum nihil facilius dif- fundatur quam errores, et exemplis illis vis probandi non insit. Patronus igitur actricis iterum aliter sese extricare nescit, nisi impugnando causam Coloniensem. At primum ipsius responsum ad exempla allata est desperatum effugium, quod in auctorem retorqueri potest. Sane errores et abusus facile divulgantur etiam in regionibus catholicis, ubi sunt pastores illitterati et negligentes, clerus male instructus et discolus, fideles ignari et corrupti. At vicissim ubi doctis-