Appendix III

busve aliis sacramentis, in quibus profecto, ut e. g. in ordine, conditiones, sanationes, forma concepta signis, nullo prorsus pacto intelligi queunt.

6 2 . Quod si matrimonium ob singularem quam habet contractus naturam haec omnia logice fert, nihil mirum quod ferat quoque alia, quae ab aliis sacramentis prorsus exulant. Sic v. g. caetera sacramenta non concipiuntur nisi tribuantur praesentibus, et contra matrimonium potest optime contrahi inter absentes. Sic v. g. alia sacramenta requirunt (genera- tim saltem) quemdam intensiorem (si ita loqui fas est) co- gnitionis et voluntatis gradum ad ipsorum validam admini- strationem et receptionem, dum e contra in matrimonio suf- ficit remissior. Nam, dummodo hinc sufficienter intendatur contractus, et illinc sacramentum non excludatur, sat hoc est ad eius valorem, adeo ut sint valida quoque sub ratione sa- cramenti matrimonia contracta vel a rudibus, qui nesciunt matrimonium esse sacramentum, vel ab iis haereticis, qui mordicus negant illud sacramentum esse.

63. Nec obiiciatur nobis auctoritas S. Alphonsi qui (Theol. Mor., De sacr. in genere, lib. v, n. 8 2 ) adfirmat verius esse sentire cum Lugo in matrimonio semper requiri volunta- tem saltem virtualem, idque, ut ipse ait, quia cum uterque coniux non solum sit suscipiens, sed etiam minister sacra- menti, in singulis eorum certe requiritur ea intentio qualis in ministris sacramentorum exigitur. Nam fatendum quoad quaestionem hanc minus recte (sit absque irreverentia dictum et intellectum) S. Alphonsum diiudicasse et scripsisse. Quum enim ex voluntate Christi coniugia a fidelibus valide celebrata sint quoque una simul sacramenta, longe minus requiritur quoad notionem et intentionem in suscipientibus et admini- strantibus matrimonium, quam in suscipientibus et admini- strantibus alia sacramenta! Satis enim est ut cognoscant et velint matrimonium qua est contractus, atque qua est sacra- mentum non excludant.