VITERBIEN. 611

set sive quia grave damnum choro obveniret, sive etiam quia secus diebus festis Missae statutis horis in fidelium com- modum a Capitulo celebrandae deficerent.

Animadversiones favorabiles

Quamvis sacri canones nihil statuant de indulto iubila- tionis concedendo canonicis psallentibus post continuum et laudabile servitium 40 annorum, tamen ex Ecclesiae beni- gnitate et ex quadam aequitate mos inolevit ut, ad exem- plum militum veteranorum argumento deducto ex lege A muneribus ff. de vacat, et excus., haec exemptio et vaca- tio etiam in militia ecclesiastica tribueretur iis beneficiatis, qui per 40 annos continuo et laudabiliter ecclesiae inser- vierint. Gardas, de benef. p. 3 cap. 2 num. 134; Be- ned. XIV, de Synod, dioec. lib. 13 cap. 9. Sacra H. Cong. in M acer aten. - Iubilationis 8 Maii 1698; in Constantien. 4 Maii 1737 et praesertim in Dubia lubilationum, 24 Sept. et 17 Dec. 1718, quae proposita fuere iudicio S. Ordinis a praelaudato Bened. XIV, dum Secretarii munere fungere- tur, et in aliis innumeris decisionibus. Etenim, ut bene idem Pontifex observat in Synod, dioeces, l.c. n. 15, « si quotidianum et non interruptum chori servitium omnium hominum iudicio laboriosum et grave censetur, multo sane gravius atque molestius progressu temporis visum est nul- lum, donec vixeris, serviendi finem videre, quantumvis diu- turno annorum curriculo cum assiduitatis et diligentiae laude inserviens ». Altera vero ratio fuit, iuxta Fagnanum in cap. Licet de probat, n. 166, « ut spe immunitatis a servitio et perceptionis omnium redituum alacriores fierent canonici et beneficiati in praestando ecclesiae famulatu ».

Iam vero quamvis in literis informativis Episcopi Vi - terbiensis nihil habeatur de laudabili et continuo quadra- genario chorali servitio praestito a canonico Franciosoni, tamen illud videretur aperte posse deduci ex verbis supra citatis Collegiatae Vetrallensis fatentis « aliis temporibus