612 FAVENTINA

ductus sit. Namque vel ex iis quae ab ore ipsius actricis accipimus arguere licet, faventinum iudicem iure optimo me- rito matrimonium Teresiae Minzolini cum Nicolao Vaccari validum renuntiasse.

Hisce aliisque enucleatis, propositum fuit dirimendum

Dubium

An sententia Curiae episcopalis faventinae sit confir- manda vel infirmanda in casu.

RESOLUTIO. Sacra C. C. re cognita, sub die 5 Martii 1 8 9 2 censuit respondere: Sententiam esse confirmandam.

Ex QUIBUS COLLIGES. I. Consensum a contrahentibus vere et serio emissum requiri in contractu matrimoniali a iure naturali et positivo; ideoque oportere ut consensus sit im- munis a quacumque re, qua plena libertas laedatur.

II. Hinc matrimonium quod per vim et metum contra- hitur, oportet ut sit de se nullum.

III. Verumtamen ad annullandum matrimonium metum et vim concurrere et continuare debere in ipso actu mat r - monii; neque sufficere quod antea intervenerit.

IV. In themate haec requisita defecisse videri; nam pater ante matrimonium clare ostendit filiae ploranti, ex quadam commotione, se vim non inferre ad matrimonium ineundum.

V. Ad matrimonium dissolvendum, praesertim consum- matum, requiri testes omni exceptione maiores, inter quos nequeunt adnumerari genitores, qui suapte natura deponerent in favorem filiorum.

VI. Nam ob reverentiam sacramento debitam repelli cer- tum esse probationes dubias et coniecturas, et admitti tan- tum probationes testium omni exceptione maiorum; quas ex- hibent tantum testes idonei, legitimi et de quorum assertio- ne nulla dubitatio nasci possit.

VII. Pariter ab accusatione matrimonii repelli mulierem quae matrimonium ab initio contraxit invita et coacta, po- stea carnalem copulam admisit.