612 VARSAVIEN.

forma, sed de forma substantiali contractus. Quae etsi so- lummodo quoad partem essentialem desit, nullum et irritum reddit contractum etiam matrimonialem. Qua in re nihil opponendum habeo clarissimo patrono. At ipse deficit in probatione, talem partem essentialem formae Tridentinae sci. praesentiam parochi proprii vel rite delegati in matri- monio Ioannae defuisse.

Nam ut probatum est, non defuit delegatio specialis, ima nec generalis, quae ad valorem matrimonii plane sufficiebat,

Minus autem clara atque accurata sunt, quae ipse pa- tronus ad removendam difficultatem sibi factam proponit. Sane in coniugibus christianis non potest existere contra- ctus matrimonialis, qui non simul sit sacramentum. At si eo progreditur, ut affirmet consensum naturalem deesse, si deficiat forma, haec non sunt accurata. Nam cum in Con- cilio Tridentino a viris gravissimis acriter impugnata esset potestas Ecclesiae statuendi formam quandam solemnitatis- substantialem in celebrando matrimonio christiano, ea in- primis difficultas mota est, quod Ecclesia careat directa et immediata potestate in actus humanos. Quae ratio videbatur non paucis adeo firma, ut putarent, Ecclesiam tantum posse irritare matrimonia inhabilitando personas contrahentes, non autem annullando immediate contractum matrimonia- lem. At dubitari nequit, quin Ecclesia utroque modo irri- tandi in forma substantiali statuenda uti potuerit et de facto in cap. Tametsi Concilii Trid. usa sit. Cfr. Sánchez, De matr. 1. III, disp. 4, n. 1, 2, 3, 5. Qui auctor difficultati motae recte respondet 1. c. n. 1 0 , ad tert. arg.: « Quam- vis enim Ecclesia non habeat potestatem, circa actus hu- manos, quantum ad substantiam actus eliciti, id est ad co - gendam voluntatem ut velit vel nolit, habet tamen quantum ad illorum legitimitatem, cum possit ex iustis causis sta- tuere, ut talis actus non sit legitimus ac validus Quare Ecclesia sua potestate efficere nequit, ut propter solum de- fectum formae, consensus naturalis, vere et proprie datus de- sit, sed tantum illud efficere valet, ut consensus naturalis