CALARITANI BEATIFICATIONIS ETC. 618

DECRETUM. « In simplicitate et innocentia cordis ambulavit co- ram Deo Venerabilis ignatius a Laconi omnibus diebus vitae suae.

Hic humili genere ortus in pago Insulae Sardiniae, a quo c o -

gnomentum sumpsit, ab infantia timere Deum coepit, nihilque

puerile gessit in opere. Cumque iunior effectus esse t , agrorum

culturae operam dedit, ut sibi ac patri victum compararet; in Dei

tamen timore continuo permansit. Dein vicesimum aetatis annum

agens, et consortia hominum fugiens nomen dedit Fratribus

Franciscalibus Capulatis, et inter laicos adscitus est. Post tyro-

cinium, in quo Sodalibus omnibus ob monasticae disciplinae

observantiam illuxit, solemnia vota nuncupavit; et deinceps de

virtute in virtutem quotidie proficiens praeclarissimum usque ad

mortem extitit sanctimoniae exemplar. Paupertatem uti Seraphici

Instituti praerogativam summopere adamavit. Morum innocentia

ac vitae castimonia cunctis spectatissimus fuit. Charitatis igne

exaestuans Dei mandata inviolate servavit; et adeo intensius ora-

bat, ut in ecstasim frequentissime raperetur. De aeterna proximo-

rum salute sollicitus, enixe errantibus opitulabatur, ut possent in

viam redire iustitiae: pauperibus, aegrotis, moerentibus solamen

ipse praebuit et auxilium, salutisque causa saepe fuit, et ea erat

animi demissione, ut quamvis eum Deus summis charismatibus

et prodigiis condecorare voluerit, tamen se uti maximum inter

omnes homines peccatorem existimaret. Senio tandem ac morbis

absumptus ad vitae terminum pervenit, ac Sacramentis refectus ad

Dominum migravit Quinto Idus Maii anni MDCCLXXXI. Quae de eo dum viveret obtinuerat sanctitatis opinio post obitum late

diffusa est. Processuales tamen tabulae ab Antistite Calaritano

pluribus elapsis annis apertae sunt, ut iuridica de eius Sanctitatis

fama ac Virtutibus inquisitio institueretur. Quibus ab Sac. Rituum

Congregatione recognitis, Sanctissimus Dominus Noster Pius IX.

Pontifex Maximus Commissionem introductionis Causae propria

manu signavit Sexto Idus Aprilis anni MDCCCLIV. Deinde Pro- cessibus auctoritate Apostolica confectis riteque approbatis de

Virtutibus Venerabilis Ignatii experimenta iuxta Apostolicas san-

ctiones instituta sunt. Horum primum habitum est in anteprae-

paratorio Conventu apud Reverendissimum Cardinalem Nicolaum

Clarelli-Paracciani Episcopum Tusculanum Causae Relatorem

Quarto Idus Iunii anni MDCCCLXVIII. Alterum successit eodem