FAVENTINA 613

VIII. In themate nullum , videri , adesse testem omni exceptione maiorem, dempto parocho; qui nuptias benedixit, quique tamen oratrici non favet; quippe qui retulerit, nil scivisse de coactione patris aliorumque parentum.

EX 3. CONGREG. EPISC. ET REG.

M A T R I T E N .

EXEMPTIONIS ET EMOLUMENTORUM

COMPENDIUM FACTI. Religiosi S. Ioannis de Deo , Fate- benefratelli vulgo appellati, xenodochium cum cappella pu- blica in urbe Ciempozuelos, dioecesis Matriten., pluribus abhinc annis possident.

Cum, ob aegrotorum numerum in dies crescentem, huius- modi cappella in infirmorum habitationem converti deberet, praedicti Religiosi Matriten. Episcopum rogaverunt, ut novo opqri benedictionem impertire haud dedignaretur.

Religiosorum votis annuit quidem Episcopus, verum con- ditionibus huiusmodi adiectis : 1. ut nova Ecclesia Episcopi diocesani iurisdictioni in omnibus obnoxia esset, quin exem- ptiones et privilegia Ordinum religiosorum propria sibi tri- buere praesumeret. 2. Ut praedicta Ecclesia Parochi illius loci iurisdictioni subiecta esset ad formam art. 25 Concor- dati inter S. Sedem et gubernium Hispanicum initi, eidem- que Parocho iura ac emolumenta cederet, quae ex funeribus aliisque religiosis functionibus ipsi proveniunt, quaeque ipsius dotem constituunt.

R. P. Provincialis ratus iura et privilegia a S. Sede suo Ordini concessa dispositionibus mox citatis pessumdata fuisse, S. C. Episc, et Regul. supplici porrecto libello adi- vit, efflagitans, ut praedicta iura et privilegia ad formam Constitutionum apostolicarum sarta tecta servarentur.