PARISIEN. 613

ibi : « Ratio est quia omnis forma et solemnitas quae debet intervenire in actu ut valeat, debet quoque intervenire in ratificatione, nec potest deservire solemnitas per prius se- quuta, quoniam illa debet concurrere de tempore actus, nec potest ab eo separari : nec etiam iuvare potest fictio aut re- trotractio, cum non fiat quando actus est omnino nullus ». Cosci de sep. th., lib. 1, cap. 5, n. 84.

Advocato superest tantum ut probetur publicum fuisse impedimentum in causa de qua agitur. Sed, advertit, in iis quae ad impedimenta pertinent, communi disciplina rece- ptum est, publicum censeri non modo quod in foro probatur, sed quandocumque probari potest. Rem concinne et sapiens ter illustrat Sánchez de matr., lib. 2, disp. 36, n. 11.

Nec secus Reiifenst. in append. de dispensat. § 2. n. 44 et seq. ibi : « Impedimentum tunc censetur occultum quan- do vel omnino secretum extitit ita ut nulla ratione probari valeat, vel si quidem scitur ab uno vel alio aut tribus vel quatuor, nullum tamen periculum est quod ulterius publi- cetur ». At quis neget, clamat defensor, in iudicio probari posse vim adhibitam ad Sibyllae nuptias?

Ad prolem quod attinet, concludit advocatus, sacri ca- nones prospiciunt : qui per sententiam nullitatis laedi posse vetant legitimum statum sobolis ante iudicium conceptae in bona coniugum fide. Quamobrem Iudex delegatus parisiensis renuntiavit « Constare de nullitate matrimonii de quo agi- tur, salva tamen legitimitate prolis ».

ANIMADVERSIONES DEFENSORIS S . VINCULI. E X adverso vin- culi defensor totam suam orationem hoc complectitur argu- mento, quod nempe facta quae ad gravem metum proban- dum proferuntur, non omnia certa videntur, vel, si certa sunt, nullam iniuriam passa est actrix cum non iniuste ma- ter ad nuptias contrahendas filiam adegerit.

Et praeprimis advertit facta quae ab actrice proferuntur non omnia veritati consona esse.

At miratur orator, quod dum Sibylla cubiculo inclusa gemit, ac praecipitem e fenestra se agere tentavit, eo mo-