614 IURIS OPTANDI

« Ut dicta privilegia negativa, quae iii non faciendo consi- « stunt et aliis onerosa sunt, ut est privilegium immunitatis a « solvendis decimis vel tributis, privilegium exemptionis a iuri- « sdictione Ordinarii amittuntur per usum contrarium, v. g. vo- « luntarie, libere, ac sponte solvendo decimas vel tributa, sistendo < se tribunali seu iurisdictioni Ordinarii sine protestatione; re- « quiritur tamen tantum temporis, quantum requiritur ad prae- « scriptionem. »

Eandem doctrinam in iure satis exploratam docuit Pitonius Discept, eccl. 154 n. 24, ubi referens praetensionem Capituli col- legiatae ecclesiae ss. Ioannis et Reparatae in urbe Lucae quod contendebat sibi ius spectare conferendi Canonicatus eiusdem ecclesiae, quamvis privilegio eis ab Innocentio IV concesso usi non fuerint, inter cetera inquit: « Capitulo non utendo privilegio « per spatium 30 vel 40 annorum, sed permittendo liberam Epi- « scopis collationem eidem privilegio renunciasse censetur per « non usum seu contrarium usum iuxta test, in cap. Si de terra, « de Privil. » Item Scarfan. in decis. 14 n. 26, S. Rota in Gien- nen. Adiunctorum 13 Febr. 1702 §. Et quod, et 27 Martii 1705 coram Molines, et alibi.

Iamvero in themate rem esse de privilegio affirmativo, cuius exercitium gravamen secumferret in liberam Episcopi collatoris potestatem: ideoque non usum eiusdem privilegii generare prae- scriptionem favore collatoris.

Verum favore Canonicorum non est praetermissa animadver- sio, non deesse auctores, qui iure optandi agentes paullo aliter sentire videantur, ceu sentit Moneta de optione canonica c. 8 g. 2 et 18, qui censuit, non tolli consuetudinem optandi per non usum etiamsi evenerit casus optandi, quia actus optionis est mere vo- luntarius, et certum est, per non usum non tolli facultatem, quum facultatis iura sint impraescriptibilia; quod pluribus argu- mentationibus et S. Rotae decisionibus confirmat. Conf. quoque Barbosa de Canonicis c. 3, Calderin. Consil. 3 n. 3 et penes S. C. C. in Causa Interramnen. Optionis, 26 Iunii 1824 §, Denique.

R ESCRIPTUM. Propositis precibus in S. Congregatione Con- cilii die 26 Martii 1870, causaque cognita rescriptum prodiit : Ius optionis in casu non sustineri.