614 EX S. G. CONCILII

dum indultum abessendi a choro durante infirma valetu- dine. Eadem prorsus decisio edita fuit in una Firmana - Iu- bilationis, 15 Septembris 1862.

Oratoris precibus rite examinatis Emi Patres Purpurati hanc dederunt responsionem :

Pro gratia iubilationis cum solitis clausulis, servato onere missarum.

Colligas

I. Sacri canones nihil statuunt de iubilationis indulto cano- nicis concedendo. Tamen, ex benignitate Ecclesiae et ex quadam iuris aequitate, inolevit mos elargiendi exem- ptionem a choro iis benefìciatis, qui per 40 annos con- tinuo et laudabiliter alicui ecclesiae inservierint. Quod duplici praesertim de causa introductum fuit, sive quia servitium chori per se grave, fieret gravius nisi haberet finem, sive quia canonici spe acquirendae iubilationis in proprio munere adimplendo alacriores fiunt.

II. Hac de re exquiri solet Episcopi et Capituli votum, non quidem decisivum , sed consultivum tantummodo , ita nempe ut veritas rerum melius elucescat. Unde saepius accidit ut iubilationis gratia alicui concedatur, Episcopo et Capitulo dissentientibus.

III. Non datur constans norma quoad concessionem aut de- negationem iubilationis in casu quo beneficiati essent numero pauciores, nam S. C. Congregatio de hoc rogata rescripsit : « Dabitur resolutio in casibus particularibus ». Hinc aliquando iubilatio denegata fuit ob gravé damnum psalmodiae obventurum, aliquando vero fuit concessa, etiamsi tres tantum canonici choro inservientes reman- sissent.

IV. In omni casu, etiamsi in concessione iubilationis expresse non edicatur, semper remanet Episcopo potestas revo- candi indultarium ad servitium chori in casibus urgentis necessitatis. Insuper adiuncta particuluria efficere possunt ut indultum habeat plures alias limitationes, e. g. abes-