VARSAVIEN. 615

Bruxellensis. Ergo eadem quoque danda est decisio quoad matrimonium Ioannae cum Georgio sci. non constare de nullitate. Nimis enim absurdum est, ut matrimonium an- no 1884 celebratum in suburbio Bruxellensi ex delegatione generali ratione personarum a. 1895 a S. C. C. declaretur nullum et irritum, cum eadem S. C. C. a. 1893 declarasset non constare de nullitate matrimoniorum, quae in civitate Aquisgranensi i. e. in ipsis finibus Belgii sita, secundum eandem praxim et eodem iure Tridentino, ibidem vigente fuerunt contracta. .

Alter error in argumentatione patroni in hoc consistit, quod absque omni solido fundamento teneat, conditiones ab Emis Patribus in « mente » appositas pro futuro tempore, esse conditiones sine qua non requisitas ad validam celebra- tionem matrimoniorum secundum praxim Coloniensem sive « mentem » sese habere ad instar clausulae irritantis.

Vix credidissem, talem interpretationem illius « mentis » fieri posse, nisi propriis oculis eam vidissem. Quae inter- pretatio, ut iam patet ex praecedentibus nullius est momenti ad definiendam causam nullitatis matrimonii Ioannae a. 1884 celebrati : nam lex vel clausula irritans a. 1893 stabilita etiam generaliter pro tota Ecclesia, non potest afficere, ut matrimonium a. 1884 contractum, cum illa clausula nondum existeret, fieret invalidum.

Quod cum nimis evidens sit, non multis argumentis ex theoria de retroactiva vi legum est probandum.

Insuper suppositio patroni etiam pro futuro tempore est falsissima, si quis vel modice causam illam Coloniensem examinet. Tota enim decisio innititur distinctioni factae in- ter validitatem atque liceitatem et convenientiam. Quaestio- nem de validitate resolvit prior pars decisionis, quaestio de liceitate et convenientia in « mente » ordinatur.

Porro idem efficitur, si quis verba « mentis » expendant. Statim in exordio mentis dicitur : « Emo. Archiepiscopo Co- loniensi scribatur, quod ad vitanda incommoda ex enuntiata praxi, utcunque oritura, opportunum foret in ea servari mo-