Decretum 617

fraternitatem Societati adnexam Romam transferre. Haec enim

Archiconfraternitas nomine et instituto cum Societate cohaeret,

Societati ceu capiti subest et subesse tenetur vi Constitutio-

num a Sancta Sede probatarum.

Sanctissimus has preces benigne excipiens mandavit prae-

fatam Archisodalitatem Romam transferri.

Iam vero cum alia Archisodalitas eiusdem nominis et insti-

tuti heic Romae in aedibus ad Quatuor Fontes cura et studio

piae ac nobilis matronae Carolae de Courballay reperiatur

erecta, cumque ex Constitutione a Clemente VIII edita quae

incipit Quaecumque duae Archiconfraternitates eiusdem nominis

et instituti nequeant in uno eodemque Loco consistere; Idem

Sanctissimus volens huius legis impedimento occurrere decrevit

Archisodalitatem Romae in aedibus ad Quatuor Fontes con-

stitutam, utpote quae posterius erecta est, uniri cum Belgica

Romam translata ita ut unum cum ea corpus efficiat, unam

eamdemque Archisodalitatem constituat et sit Archisodalitas

Societatis Adorationis Perpetuae et ad pauperiores Ecclesias

sacra supellectili instruendas. Indulgentiarum vero et privile-

giorum communicationes, quae Confraternitatibus aggregatis

hactenus factae sunt, tamquam ab hac sic unita factae habean-

tur. Huic tandem Archisodalitati quae in unum coaluit, Eadem

Sanctitas Sua facultatem tribuit ceteras Sodalitates eiusdem

nominis et instituti ubique terrarum aggregandi, servata forma

et tenore Constitutionis Clementis VIII .

Non obstantibus regula de iure quaesito non tollendo

ceterisque quamvis speciali atque individua mentione ac dero-

gatione dignis in contrarium facientibus quibuscumque.

Hoc propterea Decretum Sanctitas Sua fieri, et iis, quo-

rum interest, communicari mandavit.

Datum Romae ex Secretaria S. Congregationis Indulgen-

tiis Sacrisque Reliquiis praepositae die i februarii 1879.

A L . Card. OREGLIA A S. STEPHANO, Praef.

L . © S . A. Panici, Secretarius.