ABSOLUTIONIS ET EXONERATION!^ 6 1 7

Quibus porro iuris praescriptionibus adhaerens S. C. C. non semel absolutionem a praeteritis omissionibus denegavit ceu vi- dere est'in Perusina Reductionis 3 Iulii 1784. In Bononien. Re- ductionis Servit. Chor. 24 Novembris 1787 in primo dubio re- pulit preces Sacerdotis Petri Cassinii absolutionem expostulant a Missis 830 non celebratis, mandavitque Archiepiscopo ut Cas- sinium cogeret ad celebrationem Missarum omissarum, etiam cum sequestro fructuum beneficii.

Hisce in iure praemonitis videretur in facto, quod neque ab- solutio, minusque exoneratio a legatorum implemento esset Ora- tori concedenda. Non absolutio, quia deesset fundamentum pro eiusdem largitione, quod est bona fides. Notum enim est quod, eftluxo decennio, haeredes M. haud curarunt vel obtenti indulti prorogationem expostulare, vel Missarum onera implere ; et quamvis posteriori tempore, anno nempe 1859 iterum hac super re preces rénovassent, attamen capta occasione, qua iniquitas temporum sinebat Ecclesiae iura et proprietates invadere, piasque fundatorum aspernari voluntates, haud curarunt haeredes M. rem cum Apostolica Sede componere, sed legatorum adim- plementum mittentes, nonnisi quam anno 1877 ad S. C. C. con- volarunt. Quae agendi ratio, cum in se malam fidem continere videatur, nulla viderentur commiseratione digni. Maxime vero quia ipsi nullam operam dederunt, expleto tempore, inscriptiones hypothecarias pro tuendis legatis amplius renovare. Non exone- ratio' quia, praeter hucusque adducta, recolendum quod funda- tiones Missarum usque ad summam necessitatem conservare S. C. C. in more habet ceu perlegitur in Romana Subsidii 3 Iunii 1852 §. Verum in causa.

ABSOLUTIO ET EXONERATIO INDULGENDAE VIDENTUR. Verum iusta intercedente causa, nedum absolutio a praeteritis omnibus concedi solet; sed et ipsa exoneratio a legatorum implemento. Profecto inter causas iustas tam absolutionem a praeteritis omissionibus, quam exonerationem concedendi, extrema inopia recensetur, idque ob praesumptam fundatorum voluntatem, qui si adhuc in vita egissent extremamque suorum inopiam conspicientes sanguinis fortasse vocibus moti, haud missarum onera imposuissent; S. C.