PARISIEN. 617

tudine ad nuptias plenissime conscia et edocta. Nec minus conqueritur omissam fuisse excussionem domini Dommage qui, ex assertis per Petrum His, renunciabatur ut unus ex pluribus qui nuptias cuiusdam suae filiae cum Marcello Guillet iam depactas, vetuerat. Qui defectus graviores esse videntur si consideretur, cit. hi str. anni 1840 haec iubere : « Si alios etiam, praeter septimam utriusque partis manum, defensor matrimonii ex actis iam confectis deprehendet de re instructus hos etiam citabit ut examini subiiciantur. »

Nec supervacaneum dicatur citari testes ex parte rei, cum hi in actricis sententiam concedant et inconsummatio- nem admittant. Etenim defensor cum Sánchez I. c. lib. 7 n. 109 observat septimam utriusque manus semper, ac po- tissimum in eo casu quando uterque coniux fateatur impe- dimentum, induci et excuti debere, ut veritas plene edocea- tur, et collusio, si quae sit, appareat. Quapropter in the- mate testibus ex parte mulieris venientibus, utpote unilate- ralibus nimium non esse fidendum defensor concludit : eo vel magis quod in actricis partes undequaque proclives videan- tur, adeo ut ipsam Marcelli impotentiam quasi certam tra- ducant, dum ipsa actrix id asserere non est ausa.

Nec praesidium sumi potest ex civilis divortii actis, ad quae tum actrix tum eius testes saepius appellant, quippe quia haec ad S. C. C. examen delata non sunt.

Nec demum undequaque fidendum videtur in peritiali medicorum examine. De obstetrice enim, quae ante causae initium et in actricis beneplacitum eius corpus inspexit, loqui, supervacaneum putat defensor. Quoad medicos vero in primis notat cum Zachia Quaest, med. leg. Dec. 32 n. 26 indignum esse viros ad exploranda pudenda muliebria dele- gari. Observat praemissum fuisse balneum d'eau pure, sub quo verbo putat venire aquam frigidam, contra S. C. C. legem, quae aquam tepentem exigit ad fraudes quaslibet si quae sunt, in mulieris corpore detegendas. Recolit, praescri- ptum esse singulos peritos seorsim mulierem inspectare ac seorsim statimque scriptam sententiam proferre antequam