MATRITEN. 617

sos et Archipresbyterum Montisalti natam. Concinit Re- scriptum Congregationis specialis deputatae a san. mem. Clementis XI in Romana Quartae funeralis et Iurium Pa- rochialium inter Parochum S. Laurentii in Lucina et Hospi- tale S. Caroli al Corso die 8 Ianuarii 1717 agitata. Con- cordat decretum R. P. D. Vicesgerentis pro Conventu et Hospitali S. Ioannis de Deo contra Parochum S. Blasii in Via Giulia die 11 Aprilis 1764 prolatum. Chorum agit de- cretum, quod Emus Cardinalis Vicarius die 8 Februarii 1879 contra Parochum S. Bartholomaei air Isola protulit. Tandem coronat opus decretum quod S. C. C. sub die 11 Iunii 1891 in Mediolanen. Funerum et Emolumentorum contra Pa- rochum S. Victoris edidit.

Hisce positis, P. Provincialis animadvertit in nullo pre- tio habendam esse difficultatem ab art. 25 Concordati de- sumptam. Quandoquidem in prima parte citati art. 25 non agitur de Communitatibus religiosis canonice erectis, sed de Paroeciis proprie dictis, seu de Curatus et Vicariis perpe- tuis, quae antea cuidam Communitati religiosae pleno iure annexae erant. In secunda vero parte eiusdem articuli sermo tantum fit de Ecclesiis seu Cappellis et de ecclesiasticis sae- cularibus, qui ad religiosas Communitates haud pertinent.

Constito itaque, quod Hospitale loci Ciempozuelos est Caenobium ad S. Ioannis de Deo Congregationem pertinens, P. Provincialis concludit ad praedictum Hospitale eadem iura et privilegia extendi et communicari debere , quae a Romanis Pontificibus ceteris omnibus hospitalibus indulta fuere; ideoque ipsi , tam ius funera in propria Ecclesia, in- dependenter a Parocho peragendi, quam eorum emolumenta percipiendi tribui oportere.

QUAE RELIGIOSIS ADVERSANTUR. E X altera vero parte Episcopus Matriten, prae primis denegat Hospitale loci Ciempo- zuelos a,b Ordinarii iurisdictione exemptum esse. Idque erui posse autumat ex art. 29 Concordati inter S. Sedem et Hi- spaniae gubernium initi, vi cuius, exceptis Institutis S. Phi- lippi Neri et S. Vincentii a Paulo et ceteris quae vel missio-