618

APPENDIX XVI .

DE INFALLIBILITATIS EXTENSIONE THESES QUASDAM ET QUAESTIONES THEOLOGORUM IUDICIO SUBIICIT GULIELMUS GEORGIUS WARD D. PH.

Sub hoc titulo praeclarum opusculum, non mediocri sane studio con- fectum , Londini editum vulgatumque est, auctore clarissimo Gulielmo Ward Philosophiae doctore. Nomen auctoris , viri quidem laici, qui in sinum catholicae Ecclesiae multis abhinc annis, non modo ut filius, sed etiam ut doctrinae catholicae propugnator rediisse videtur , celebre est praesertim apud eos omnes eruditos viros, qui anglicam loquuntur lin- guam. Ipse enim scriptor et director est illius per quam utilis operis, quod quater singulis annis in lucem prodit sub titulo: The Dublin Review. In eius eruditis scriptis et in quaestionibus pertractandis, quod nobis prae- cedere singulari ratione videtur, est logicus idearum nexus accuratissimus; quod quidem aetate nostra apud eruditos quoque saepe desideratur; quam- quam nihil forte frequentius et audiatur et scribatur, quam logices vox, quasi vero enunciatio nominis daret esse rei.

Scimus praeterea, dictum opusculum Auctorem SSiïio Patri humillime obtulisse atque epistolam ab Eo recepisse , qua et Apostolicam Benedi- ctionem impertire et animum alacritatemque in huiusmodi nobilibus la- boribus prosequendis Auctori caeterisque Recensionis Dublinensis scripto- ribus addere est dignatus.

Cum autem hoc in opusculo , Theologorum iudicio subiecto , quae- stiones aetate nostra ferventes .contineantur, de iuribus scilicet Romano Pontifici et Apostolicae Sedi divinitus collatis , nos, modestiae Auctoris obsecundantes, eas integras proponimus iudicio Lectorum nostrorum, prae- sertim cum argumentum, circa quod versantur, optime cohaereat cum argumentis nostrae ephemeridis.

Videtur autem incredibile , ut admittatur quidem sive Ecclesiae sive Romani Pontificis infallibilitas in veritatibus revelatis, quae stricto sensu pertineant ad fidei depositum; negetur autem eiusdem extensio ad placita philosophica, socialia etc. quae aliqua relatione cum deposito fidei conso- ciantur. Quasi vero ille Divinus Spiritus, qui per suam assistentiam efficit, ut et Ecclesia et Romanus Pontifex sit infallibilis in declarandis verita- tibus stricto sensu revelatis , ipse, inquam , non adsit sive Ecclesiae sive Romano Pontifici ex cathedra loquenti in iudicio ferendo de eiusdem in- fallibilitatis extensione. Profecto praerogativa infallibilitatis Ecclesiae est veritas, quae stricto sensu in deposito fidei continetur: illi igitur de ex- tensione huius praerogativae infallibiliter iudicabunt, qui infallibiliter iudi- cant de sensu veritatum stricto sensu revelatarum.

Laudatum itaque opusculum prout iacet ita se habet.