618 MATRITEN.

nibus vel exercitiis spiritualibus mancipantur, vel parochis auxilium praestant, reliquae domus religiosae uti residentiae et domus particulares habendae sunt ac proinde privilegiis atque exemptionibus destituuntur, Ordinibus concessis, ad quos dictae domus pertinent. Cum igitur Hospitale S. Ioan- nis de Deo in urbe Ciempozuelos erectum, uti institutum religiosum ex Concordati dispositione haud habeatur, Epi- scopus deducit praedicto Hospitali exemptiones et privilegia tribui haud posse, quae Ordini S. Ioannis de Deo, ad quem pertinet indulta fuerunt.

Quin opponere valeat, ait Episcopus, quod fel. mem. Pius IX, tum cum Bulla - Quae diversa - omnes iurisdictio- nes suppressit, iurisdictiones Praelatorum regularium pro- prias exceperit. Quandoquidem animadvertit, quod iuris ca- nonici auctores, inter quos citat Episcopum di Leon et Vincentium di Lafuente, in suis operibus auctoritate eccle- siastica editis, docent, praedictam iurisdictionem Praelatis re- ligiosis iuxta art. 11 Concordati reservatam, intelligendam tantummodo esse de vitae ratione, quam Religiosi intra claustra ducunt.

Et huiusmodi doctrinam ab ipsis auctoribus confirmari in suis operibus, quibus titulus Procedura Ecclesiastica, ubi de Praelatis regularibus agentes, ita se exprimunt. « Prae- lati regulares nullam iurisdictionem externam, sed tantum intra claustra quoad suos subditos et in rebus criminalibus exercent, in casibus a Concilio Tridentino praescriptis. In reliquis nulla exemptione potiuntur Instituta regularía, sed ab Ordinario loci dependent; Praelati vero regulares in iis tantummodo se immiscent, quae religiosorum vitam spiri- tualem et interiorem agendi rationem respiciunt. ».

Quo vero ad emolumentorum quaestionem, quae perci- piuntur occasione funerum eorum qui in Hospitali loci Ciempo- zuelos supremum diem obeunt, Episcopus contendit, sive aequitatis sive iustitiae rationes exigere, ut ea non Religiosis in dicto Hospitali degentibus, sed Parocho Oeconomo de- beantur.