618 VARSAVIEN.

Ex QUIBUS COLLIGES : I. Mentem Tridentini Seés, 24, cap. 1, de Reform, eam fuisse ut consuleret validae cele- brationi matrimoniorum, constituendo novam formam sub- stantialem, per quam constaret publice et in foro externo de facto celebrationis matrimonii.

II. Eiusmodi publicam formam celebrationis constituit quia ex clandestinis matrimoniis, propter hominum nequi- tiam, ortum haberent gravia peccata; dum fieret, ut multi, relicta prima uxore, cum qua clam contraxerant, aliam palam ducerent, et cum ea in perpetuo adulterio viverent.

III. Quapropter si publice et in foro externo constet de facto celebrationis matrimonii, eius valorem facile non la- befactari per subtilitates et argutias interesse habentium, ut nullum renuncie tur.

IV. Agenti contra matrimonii valorem onus incumbere adducendi certa et indubitata argumenta, quibus demonstre- tur, causam nullitatis adfuisse; ceu si parochus defuerit aut alius de eius mandato per delegatam iurisdictionem, actu celebrationis matrimonii.

V. In themate haud evictum fuisse quod Ecclesiae mi- nister, matrimonio adsistens, iurisdictione careret per parti- cularem aut generalem delegationem collata, in scriptis aut oretenus : ideoque responsum fuisse non constare de nullitate matrimonii.

VI . Moralem certitudinem, quae necessaria est, ut iudi- cium proferatur exurgere posse etiam ex coniecturis, prae- sumptionibus, indiciis et adiunctis quibuscumque, dummodo enascatur ex toto circumstantiarum complexu.

VII. Ius parochi, aut Ordinarii alium Sacerdotem sibi substituendi, saltem quoad valorem, relinquitur ex Triden- tino terminis iuris communis; a quo nullum paratur ob- staculum.