SCEPUSIEN. 619

uxor cum viro cohabitavit: sed ab initio uterque in sepa- rato cubiculo dormivit, dein vero simul quidem in eodem cubiculo et lecto fuerunt; attamen, ait vir, « uxor mea vesperi vestibus induta vigilavit tamdiu usquedum obdor- miveram : mane vero me e somno evigilante uxor iam extra cubile fuit: » et ita viri desiderium frustravit. Maria autem haec fecisse non diffitetur, sed prorsus admittit.

Ad finem mensis Octobris vel Novembris mulier ad pa- ternos lares revertebatur, ut a quadam infirmitate commodius apud parentes curaretur: et vir, qui ab uxore sua abalie- n a t i adhuc plene non erat, illuc quotidie pergebat, et apud uxorem coenabat. Frustra tamen apud eam manere se ten- tavisse et debiti coniugalis redditionem ab ea expostulavisse affirmat. Quapropter ad eius patrem recursum tandem ha- buit. At Maria die sequenti eum de hac re paullo acrius exprobravit. Unde vir fastidio iam affectus, hac de re indi- gnatione insuper commotus, uxori significavit se dissolutio- nem coniugii expostulaturum, et, quin tempus medium in- terponeret, eadem die, quae erat 1. Decembris, muliere re- licta, ad curiam episcopalem hac de causa accessit. Ita sane habet vir.

Porro Episcopus curavit quidem et omni nisu studuit sponsos ad concordiam et mutua charitatis et iustitiae officia restituere. « Verum, ait Praesul, cum maximo cordis mei dolore fateri cogor, cunctam ea pro exposito scopo ac fine suscepta et adhibita conamina usque in praesens tempus omni caruisse effectu, adeo ut nulla effulgeat mihi spes fore ut coniuges u emorati seu ad invicem concilientur animis seu ad pacifice cohabitandum inducantur unquam. » Imo « Stephanus Montskò.... extrema se quaeque potius laturum declaravit quam ut modo uxorem in suam recipiat domum. » Aliunde vero cum Stephanus « sit nobilis familiae catholicae ultimus surculus et parentum suorum unicus filius ; et mul- tum teneant in voto et parentes et alii cognati ne familia et nomine et nobilitatis charactere extinguatur ac cesset »; et cum insuper verendum sit « ne iuvenis Religioni, quam