MATRITEN. 619

Id exigunt praeprimis aequitatis rationes, ex eo quod ex una parte stipendium Parocho Oeconomo a Concordato assi- gnatum nimis exiguum est ; ex altera vero Hospitale loci Ciempozuelos divitiis affluit.

Sane quod stipendium Parocho Oeconomo assignatum ni- mis exiguum sit, nullatenus dubitari posse videtur; quando- quidem Episcopus asserit, quod praedictum stipendium prae- terquamquod a 15 annis, prius 25 et postea 10 libellis pro quolibet centenario imminutum fuit, modo magis exiguum evasit ex facto ipsius auctoritatis civilis, quae Parochis Oe- conomis duas tertias partes stipendii tribuit, quod pro Pa- rochis titularibus constitum est. Si itaque admitteretur quod Hospitale loci Ciempozuelos Oeconomo Parocho persolvere haud debeat emolumenta eorum, qui in dicto Hospitali de- cedunt, sequeretur quod Parocho Oeconomo deessent, quae propriae sustentationi necessaria omnino sunt.

Ex altera vero parte, quod Hospitale divitiis abundet, fidem facit idem Episcopus qui asserit valetudinarium multa pecunia disponere, éx eo quod infirmi qui in eo recipiuntur fere omnes diariam persolvunt. Pro iis vero infirmis, qui ege- state premuntur, deputatio Provincialis diariam persolvit in ea mensura et quantitate, quae ab ipsa deputatione Provin- ciali una cum valetudinarii Rectore constitui solet.

Praeter haec Episcopus affirmat, huiusmodi aequitatis ra- tionem admissam fuisse ab ipsius valetudinarii Rectore, qui idcirco sub die 14 Augusti 1890 Episcopo significaverat, se paratum esse Oeconomo Parocho rependere funerum iura in ea quantitate, quam Episcopo designare libuerit pro infirmis indigentibus, qui in Valetudinario ex hac vita decessissent.

Verum, praeter aequitatis rationes, Episcopus contendit, quod huiusmodi emolumenta Oeconomo Parocho debentur attenta ratione iustitiae, ex eo quod Concordatum anni 1851, ad cuius normam praesens controversia dirimenda est, sub art. 25 praescribit, ut Ordines regulares in Hispania existen- tes a proprio Parocho dependere, eidemque emolumenta re- pendere teneantur.