620 Acta Apostolicae Sedis - Commentarium Officiale

ces effundebat atque, ut ab aliis idem fieret, curabat. Eodem caritatis

ardore succensa omnes sui animi dotes, quibus abundanter a Deo fuerat

ditata, in proximorum bonum impendebat. Societati a Sacro Corde Iesu,

nuper a S. Magdalena Sophia Barat fundatae, cooptari cupierat, sed,

Deo aliter disponente, Institutum Sororum Auxiliatricum Animarum

in Purgatorio degentium condidit. Verum antequam ad tantum opus

manus apponeret, ferventibus precibus, ut Dei voluntatem magis certe

cognosceret, quinque condicionum eventu comprobare ab Eo humiliter

petiit; hae fuerunt: Felix piae consociationis, iam ab ea constitutae

pro Defunctis, successus; Summi Pontificis benedictio; Cameracensis

Archiepiscopi, a cuius tunc iurisdictione Insula pendebat, approbatio ;

quod quinque sodales sibi adhaererent; et tandem alicuius sacerdotis

occursus, antea sibi ignoti, idem foventis optatum pro animabus Pur-

gatorii. Quae omnia evenerunt. Adhibuit quoque prudentium ac sancti-

tate vitae insignium virorum consilium, praesertim ' Sancti Ioannis

Baptistae Vianney, qui de eius Instituto dixit: « E n opus a Deo diu

vehementer optatum » idque definivit « une pensée d'amour du Cœur

de Jesus ». Idem Sanctus pluries ei ad opus prosequendum animum

addidit.

His confirmata consiliis, Lutetiae Parisiorum, quo se contulerat,

opus, amplissime Archiepiscopo Sibour approbante, anno 1856 incepit.

Die 27 Decembris eiusdem anni simplicia vota nuncupavit, assumpto

Mariae a Providentia nomine, quod ob inconcussam erga Divinam Pro-

videntiam fiduciam elegit. Die 25 Ianuarii anno 1858 coram Archiepi-

scopo Cardinali Morlot perpetua edidit vota.

Voti compos facta, Serva Dei, pro animabus in Purgatorio detentis,

non modo precibus atque asperis sui corporis castigationibus, sed et he-

roico virtutum omnium exercitio atque omne genus misericordiae operi-

bus erga egenos ac derelictos se totam generose et impensius se dedidit.

Ut autem hos tam salubérrimos fructus uberiores redderet atque firma-

ret, Instituto a se condito eos perennandos in eodem caritatis spiritu

commendavit, cui veluti insigne tria haec concredidit, nempe : Orare,

pati et operari. Operari autem intellegebat proximis benef acere, prae-

cipue vero infirmorum habere curam.

Tanta bona opera Deus, qui ei crucis amorem inseruerat, magnifice

ac munifice rependit, eam Filio suo similem in passione reddens. Pau-

periem equidem, irrisiones, calumnias, derelictiones, corporis cruciatus,

animi angores, labores et dolores omne genus non modo invicta patien-