ASSOCIATIONIS ET EMOLUMENTORUM FUNERALIUM 621

ut ad associationem tum dicti duo Parochi tum Regulares con- venirent, salvis iuribus postea experiendis.

Celebrato itaque funere, duo Parochi dicti petierunt ceram associationis et quartam funeris, sed Regulares haec denegarunt, supplices preces simul admoventes S. Congregationi ,'pro diri- menda controversia. Pari modo Parochi in iudicium vocarunt coram suo dioecesano Iudice Regulares. Quare eodem prope tempore et recursus factus est a Regularibus ad S. C. et in iu- dicium vocati sunt a curia episcopali.

S. Congregatio, accepto libello, de more ad Ordinarium res- cripsit, pro informatione et voto, auditis interesse habentibus, ac referat, an defunctus in urbe N potius quam Romae verum ac fixum domicilium habuerit ; quid Cleri Statuta localia statuant, quidve ferat consuetudo.

Ordinarius rescribens particulam synodi dioecesani transmi- sit, quae sic se habet : « Provisum quoque a nobis est, ne ulla « omnino Parochos inter oriatur quaestio ; cum cadaver in ec- « clesia parochiali diversa iuxta defuncti aut eorum, ad quos « pertinet, voluntatem condendum est. In his itaque casibus, « qui haud infrequentes esse solent, in Civitate praesertim, « praeter ea quae ex communi locorum omnium consuetudine « servanda sunt, statuimus, ut cerei omnes qui in translatione « cadaveris circa ipsum ardent, post expletas preces in ecclesia, « in qua cadaver sepeliendum est, omnes ad mortui Parochos « spectent, praeter partem illorum, qui circa feretrum ardent, « quae pars eidem mortui Parocho eodem iure debetur - Prae- « terea volumus omnino, ut ea consuetudo auferatur, vi cuius « Parocho intra cuius parochiae fines cadaver ferebatur, ius illius « comitandi et quaedam cerae portio competebat ».

Praeterea, quamvis Ordinarius a sua significanda opinione abstinuerim innuit tamen, duplex domicilium Iosephum habuisse, Romae unum, et in urbe N alterum; idque ex eo eruebat, quod per maiorem anni partem Iosephus cum familia Romae degere consueverit; sed domum quoque haberet in urbe N, quo pro sua voluntate se conferebat ad multa expedienda negotia.

Regulares, admisso prius domicilio Iosephi tum Romae tum in urbe N, in eo insistebant, quod cum Romae decesserit, tan- tum romanus Parochus ius haberet ad emolumenta funeraria sive associationis sive funeris, quae tamen, per compensationem