Praeeminentiarum 621

omnes functiones, actus, et iurisdictiones exercere, quae spe-

ctant ad Coadiutos. Atqui tamen modernus Coadiutor Eccle-

siae C. exercet ea, quae non sunt iuris Praepositi Coadiuti,

sed Archidiaconi; istoque absente Archipresbyteri, qui, iuxta

declarationem Benedictinam, sicuti debet sedere ante Coadiu-

torem, ita etiam habere debet in omnibus praecedentiam ex

iure devoluto.

Neque sane argumentum ex Bullariis Litteris petitum tanti

ponderis est ut prorsus rem definiat. Siquidem in clausula

Bullae Coadiutoriae adest limitatio « dummodo tamen illa

sibi ratione Coadiutoris officii haud competant, pariformiter

uti, frui, potiri et gaudere valeat, ac respective debeat, ac

teneatur » ; nulla enim clausula debet censeri inutilis, nullum-

que verbum sua destitutum vi in apostolicis scriptis.

Illud ulterius animadversum est in themate Coadiutores

revera fictas agere personas quippe qui Coadiutum reprae-

sentant, adeoque veris canonicis et Dignitatibus praeferri

nullatenus posse. Hoc autem argumentum non destruit inve-

cta distinctio inter effectus a coadiutoria canonicatuum pro-

duci solitos, et effectus quos Dignitatum coadiutoria parit,

quemadmodum enim in primo casu Coadiutori communicantur

omnia canonicatuum iura, ita in secundo communicantur

iura quae Dignitatum propria sunt. Functiones porro, quas

exercere sibi arrogavit modernus Coadiutor in themate, non

sunt propria Dignitatis Coadiutae, sed primae Dignitatis.

Neque Coadiutori suffragatur ratio exinde petita quod ipse

haec iura exerceat ex mandato coadiuti, siquidem hoc ius, ex

allata Benedictina Declaratione, ministerio legis ad dignitatem

vel canonicum ordine subsequentem devolvitur, proindeque

nequit Coadiutus personale suum officium delegare quin iura

quaesita tertii laedat iuxta ea quae decrevit S. Rituum Con-

gregatio in Matharanen. in Decr. Auth. S. R. Congr. De- cis. 2720.

Si vero ex altera parte quaeratur quae iura Coadiutoribus

communicent coadiuti, prompta responsio est, eisdem com-