622 Praeeminentiarum

municare ea tantum quae chori servitium respiciunt ut tradit

Garzias de benef. p. 4, art. j>, n. 140.

Hisce aliisque deductis proposita sunt resolvenda

Dubia.

1) An modernus Coadiutor secundae Dignitatis maioris

Ecclesiae C. sedere debeat in Choro, vel stallum habere ante

tertiam Dignitatem.

2) An praefato Coadiutori competant omnes functiones,

actus et iurisdictiones, quae spectant ad Archidiaconum, quae-

que impedito Archidiacono et absente Praeposito (de iure ante

praedictam Coadiutoriam) ad Archipresbyterum vel ad Coa-

diutorem devolvuntur.

RESOLUTIO . S. Congregatio Concilii causa cognita die 28 iu-

nii 1873 respondere censuit:

Ad I. Praepositi Coadiutorem sedere debere post omnes digni-

tates et ante omnes Canonicos, tam praesente quam absente coa-

diuto.

Ad II. Affirmative favore coadiutoris.

EXINDE COLLIGES :

I. Ad determinandum locum, honores, iura quae Coadiu-

toribus Dignitatum Capitularium competunt, observari debent

tum variae locorum consuetudines, tum tenor Litterarum

Apostolicarum quibus Coadiutoria confertur.

II. Si vero omnis desit consuetudo atque ex Apostolicis

Litteris nihil erui possit, ea obtinet distinctio, ut Coadiutor

sedere debeat et incedere ante omnes Canonicos et post omnes

dignitates.

III. Ad Coadiutorem vero non ad alias inferiores Digni-

tates vel canonicos eiusdem Ecclesiae pertinet, illas functio-

nes, actus et iurisdictiones exequi quas faceret et exerceret

ipsamet dignitas si praesens esset.