622 EX S. C. RITUUM

puer erat addictus, ad sacri pastoris officium divinitus vocatus, vitae innocentia omniumque virtutum exemplo, pii sacerdotis, qui eius curam susceperat, expectationem et vota, non imple- vit modo, sed est longe praetergressus. Vici Ars curio adlectus « venit, non in sublimitate sermonis aut sapientiae, sed in bo- nitate et alacritate animae suae» (Cor. II, 1; - Eccl. XL V, 29). Qua vero caritate flagrabat « omnibus omnia factus » id brevi est consecutus, ut Ars oppidum fieret, non solum domicilium orationis ac palestra christianae virtutis, sed miseris asylum, hospitium infirmis, toti providentia regioni. Atque hoc, scilicet, providentiae nuncupatam nomine altricem domum constituit puellis a pupillatu tutandis, popularis educationis exemplar. Ceterum concionando assidue, instanter orando, se ieiuniis, vi- giliis, flagris macerando, solidos ferme dies noctisque haud exiguam partem impendendo poenitentibus excipiendis, id gra- tiae meruit, ut « augeret Dominus qui salvi fierent quotidie in idipsum » (Act. Ap. II, 47). Hinc mirabilior in dies coepit eius videri vita, hinc nominis eius late diffundi rumor, ad ipsum confluere omnis conditionis homines, non modo ex Galliae pro- vinciis , verum etiam ex Belgis, ex Anglia, ex Germania ; id- que , non intermisso spatio, sed per annos quinque supra vi- ginti. Quas ad peregrinationes obeundas studio etiam duce- bantur visendi virum supernis donis ditatum, qui et intimas animi scrutaretur latebras et futura praegnosceret; de quo, etiam tum vivo, multa prodigia ferrentur. Fama haec sancti- tatis ac signorum in dies aucta post eius pretiosum obitum, qui accidit prid. cal. sextiles an. MDCCCLIX, effecit ut vix elapso quinquennio, Ioannis Baptistae Vianney causa ad SS. Ri- tuum Congregationem deferretur. Post nuperrimum vero de- cretum approbationis virtutum a SSmo D. N. PP. Leone XIII fel. rec. editum VII cal. Augusti anno MDCCCXCVI, de duobus miraculis, quae intercessione Ven. Dei Servi patrata vulgaban- tur, accurata inquisitio peracta est, tabulaeque iudiciales a SS. Rituum Congregatione recognitae ac probatae sunt. Horum primum accidit in oppido S. Laurent le Maçon, an. MDCCCLXII. Claudius Leo Roussat, sexennis puer, comitiali morbo corre- ptus, affectis resolutisque nervis, impeditis artubus, amissa lo- quela, miserum trahebat spiritum in idque devenerat ut nec valeret salivam retinere. Adhibitis frustra remediis, in diesque crescente vi morbi, de infirmi salute medici spem omnem abie-