EX S. G. DE P R O P A G A N D A F I D E 623

gulis Dioecesibus unamquamque prope ecclesiam scholae erigerentur, in quibus catholicorum sobóles sub ecclesiasti- corum Pastorum auctoritate et directione non minus litteris ingenuisque artibus, quam religione et bonis moribus imbue- retur. Porro nonnulli sapientissima haec statuta prae oculis habentes, rati agendi rationem Archiepiscopi S. Pauli in me- moratis duobus casibus cum illis conciliari haud posse , re- prehendere illam non dubitarunt; dum alii e contra ceu gra- vibus innixam rationibus probandam , et nihil per eam his decretis derogatum fuisse iudicarunt. Acriter hinc inde con- tentio exarsit : etiam per publicas ephemerides, quod valde dolendum, ardenter quaestio ventilata fuit, nec concors et unanime Episcoporum iudicium hac de re extitit. Quod quum religionis bono, Ecclesiae decori et optatissimae aeque ac ne- cessariae inter sacrorum Antistites concordiae, in qua pax gregum ipsis commissarum solidatur, quam plurimum obesse iuste timeri posset, Sancta Sedes opportunum duxit rem ad se avocare diiudicandam suaque sententia disputationibus finem imponere. Huius autem negotii examen quibusdam ex Emis P P . S. Consilio Christiano •Nomini Propagando praepositis de- mandatum fuit, qui in Comitiis habitis die 21 Aprilis huius anni matura ac diligenti investigatione instituta ea quae ab Archiepiscopo S. Pauli peracta sunt, omni sub respectu per- pendentes, attentis peculiaribus adiunctis nec non modo et pactis quibus conventio inita fuit, sequens edendum censue- runt Decretum, eadem die a Summo Pontifice approbatum: « Firmis in suo robore manentibus Decretis Conciliorum Bal- » timorensium super scholas parochiales, conventio inita a » R. P. D. Ioanne Ireland relate ad scholas de Far bault et » Stillwater, perpensis omnibus circumstantiis, tolerari pot- » est. » Hanc autem occasionem nacti Emi Patres enixe Ve- nerabilibus Statuum Foederatorum Episcopis commendarunt ut pergerent, quemadmodum praestitum fuerat hucusque, eo concordi studio salutem animarum sibi commissarum et bo- num religionis procurare, quo tot meritis suum in christiana republica nomen, Deo iuvante, iam honestarunt. Sane haec