EX S. G. RITUUM 625

cerant. Tunc parentes ad Ioannis Baptistae Vianney sepulcrum secum adduxerunt puerum, ut Venerabilem Dei Servum no- vendialibus precibus exorarent. Admoto ad tumulum brachio pueri paralysi affecto, coepit continuo sanatio ; quippe illa ipsa manu puer primo porrigit stipem egeno, deinde sulphurata ac- cendit, mox libere domum discurrit ; ad ultimum, absolutis no- vendialibus, pleno linguae usu fruitur et pristina valetudine. Alterum contigit miraculum anno MDCCCLXII, Lugduni, in ho- spitio puellarum Curiae S. Ioannis. Adelais Joly, novem annos nata, cum corruens in parietem offendisset, in laevio brachio affecta est albo tumore. Desperata medicorum iudicio cura, pa- tientis brachio applicita est, inter novendiales preces, corrigia calceamentorum Ven. Ioannis" Baptistae Vianney. Secuta illico sanatio est, eaque sic plena, ut morbi vestigia mox extiterint nulla. De utroque miraculo instituta quaestio est, confectae Apo- stolicae tabulae earumque agnita et probata validitas. Instau- rata est deinde actio, primum in antepraeparatorio Conventu, in Aedibus Rmi Cardinalis Lucidi M. Parocchi cl. me. habito XII cal. Ianuarias an. MDCCCCII ; mox in praeparatorio ad Apostolicum Palatium Vaticanum coacto XIII cal. Martias su- perioris anni; denique coetu universo coram Sanctissimo D. N. Pio PP. X collecto VII cal. Februarii volv. an. ; quo in coetu, per Rmum Cardinalem Franciscum Desideratum Mathieu, Car- dinali Lucido M. Parocchi e vivis erepto in causae Relatorem suffectum, proposito dubio : « An et de quibus miraculis constet in casu et ad effectum de quo agitur », SSmus Pater Con- sultorum et Cardinalium excepit suffragia, nihil tamen decer- nens, ut in re tam gravi tempus divinae opis implorandae sup- peteret.

Tandem hodierna die, Dominica prima in Quadragesima, idem SSmus D. N., sacris in domestico Sacello litatis, Vatica- nam nobiliorem aulam ingressus et pontificio solio assidens, advocari iubet et coram Se sistere Rmos Cardinales Seraphi- num Cretoni SS. RR. Congregationi Praefectum, eiusve loco et vice Aloisium Tripepi ipsius S. R. C. Pro-Praefectum, et Fran- ciscum Desideratum Mathieu causae Relatorem una cum R. P. Alexandro Verde S. Fidei Promotore, meque infrascripto Se- cretario, iisque adstantibus solemni Decreto sanxit: «Constare de duobus miraculis ; de primo : - instantaneae perfectaeque sanationis pueri Claudii Leonis Roussat a gravissimo morbo