624 SCEPUSIEN.

acquiescere' et consentire. Ait namque: « Iisdem subversan- tibus adiunctis vita coniugalis non potest reassumi et con- tinuari. » Quapropter cum periculum collusionis adsit, nihili facienda videtur uniformis coniugum confessio. Eo vel magis quod in circumstantia gravissima temporis unus alteri con- tradicat. Vir namque asseruit uxorem secum fuisse usque ad medium mensem Octobrem : sponsa vero edixit ad parentes suos reversam non esse nisi post medium Novembrem.

Nec validius subsistit septimae manus testimonium. Ete- nim septima manus iurare debet nedum de religione et ho- nestate sponsorum , sed insuper utrum vera aut verisimilia credat sponsorum asserta, et cohaereant cum iis quae iidem, sponsi alias « tempore non suspecto » loquuti sunt. Atqui testes in themate vel affirmant in cognitionem inconsumma- tionis venisse post sponsorum divisionem, idest, « paulo an- tequam Stephanus Montskò S. Sedi consistoriali Scepusiensi ad solvendum suum vinculum matrimoniale scripto supplex factus fuisset » ut ait Coelestinus Kompanik; « vel eo iam tempore dum coniugem amplius non convixere, » ceu habet Nicolaus Marezinfalva ; idest inconsummationem deprehendisse tempore suspecto: aut fatentur se ea de re nihil accepisse, aut vagum rumorem in vulgus post sponsorum disiunctionem diffusum audiisse, quemadmodum Andreas Roth et Stephanus Grallik expresse referunt. Quapropter morale inconsumma- tionis argumentum , cui de cetero ex malitia temporum parum fidendum hodie est, in semet insuper nutare defensor iudicat.

Unde causae confugium non esset nisi in argumento physico ex peritiali examine desumpto. At vero ipse adversus natronus secundarie et accessorie ad illud se confugere dicit, veluti si in eo haud valde confideret. Nec immerito. Nam balneum, quod ante inspectionem per tria horae quadrantia debet protrahi, ut cadant et detegantur, si quae sunt, fraudes et pharmaca ad fucum integritati faciendum, omissum omnino est contra praescriptum Instr. S. C. C. anni 1840. Insuper matrona cui commissum est inspectioni assistere eamque in-