ET EMOLUMENTORUM FUNERALIUM 625

micilium contrahendum necessario requiri, ut aequali fere anni tempore aliquis moretur in utroque loco, ut tradit Sánchez loc. cit. disp. 24 n. 2 : « Quis duplicem parochiam habitationis sor- « titur, quando aequaliter in utraque habitat, ut in hieme in una, « in aestate in altera... Quod autem dixi requiri, ut aequaliter in « utraque habitet, non intelligas mathematice, sed morali modo « ita ut sit aequalis omnino, aut fere, habitatio ». De qua re Sta- tutum romani Gleri pari ratione declarare § 28: «duplex vero « dicitur quis domicilium habere, si in utroque morali aequali- « tate se collocasse videatur ».

Porro facta aperte ostendere, Iosephum nullimode se collo- casse morali aequalitate Romae et in urbe N; ideoque unicum habuisse Romae verum realeque domicilium ; quidquid dici velit de domicilio legali in urbe N habito causa contractuum, actu- umque iudicialium, quod in hoc ecclesiastici iuris themate nihil refert.

Hisce autem positis, consequi romanum Parochum plenam paroecialem iurisdictionem habere in Iosephum, ex qua prodit ius ad portionem canonicam seu quartam funerum, iuxta text. in c. 1 de Sepult, et Clement. Dudum eod. tit.

De huiusmodi illatione dubitari non posse; sed quaestionem forte posse moveri de extensione huius iuris quartam funera- lium consequendi: videlicet quaeri, utrum praeter emolumenta funerum a romano Parocho iam percepta ob funus in sua ec- clesia celebrandum, iuxta Statutum romani Cleri, ius quoque habeat percipiendi quartam funerum eorum quae celebrata sint in urbe N. y

Contendebat autem et hanc quartam sibi deberi, iuxta ca- nonicam iurisprudentiam de qua Barbosa de Parocho p. 3 c. 35 n. 36 haec cum aliis scripsit: «Quarta funeralis, seu canonica « portio debetur de omnibus, quae obveniunt ratione funeris ». Et Conc. Trid. sess. 25 c. 13 de Ref. « Quarta, quae funeralium dicitur, cathedrali aut parochiali ecclesiae... persolvatur ».

Quid autem' sub nomine funeralium veniat, ita Barbosa loc. cit. n. 37 declarat : « Funeralia dicuntur, quae ratione sepulturae « obveniunt, cap... Cum liberum, cap. Nostra, §e Sepult... et quae- « cumque occasione funerum ad ecclesiam perveniunt... etiam « praeter morientis voluntatem; Item et ea, quae cum funere « portantur ».

Acta, tomo V, fase. LIX 40