626 ASSOCIATIONIS

Et ad rem Parochus apprime facere inquiebat Resolutionem S. C. Episc, et Reg. quam, praeter Iulium Lavorium, Var. lucu- brat. tit. 2 c. 3 n. 179, his verbis refert Barbosa loc. cit. n. 38: « Utrum si Parocho in die funeris data sit sola candelarum et « facularum quarta; et deinde sequenti die solemniori pompa, « magno scilicet adhibito Religiosorum, Confraternitatum et Pre- « sbyterorum numero in alia ecclesia, ubi mortuus sepulturae « mandatus fuerat, pro eius anima solemnis Missa cantetur cum « distributione candelarum et intorstitiorum in maiore quantitate « quam diei praecedentis, debeatur ex his quoque Parocho « quarta? In qua controversia S. Congregatio negotiis Episc, et « Reg. praeposita, semel et iterum partibus hinc inde auditis, « die 3 Augusti 16^1, nemine discrepante, censuit: deberi quartam « Parocho ex funeralibus secundo loco factis».

Item S. C. C. in Firmana, Funerum die 18 Iulii 1744, cuius facti species haec est. Consuetudo aderat Firmi, qua non ipso tantum die quo mortuus sepeliretur, sed duobus etiam sequen- tibus iusta funebria persolverentur eodem apparatu eodemque funeris sumptu; idem agebatur quum annus actus esset, seu in anniversario. Quum Benedictus XIII Constitutione Romanus Pontifex, pro Italia insulisque adiacentibus edita, abrogaverit Regularium immunitatem a solvenda quarta funerum, contende- bant Patres Minores Observantiae se non teneri ad dandam quartam funerum (quae consistebat in quodam maiore cereo) illis duobus diebus, quibus licet funus repeteretur, corpus tamen defuncti iam sepulturae esset traditum; idque contendebat tum ex consuetudine tum ex iure, quum funeris nomine veniat quid- quid corporis causa erogatum est antequam sepeliatur, ut in I. Funeris sumptus ff. de Relig, et sumpt. Funer. et in Extr. Inter cunctas de Primi, ei Clement. Dudum de Sepult.

E converso Parochi ea in causa contendebant, Benedict. XIII reduxisse privilegium Regularium ad ius commune : iuris autem esse, ut quarta pars Parocho debeatur emolumentorum omnium, quae ad ecclesiam in qua corpus sepelitur, pervenerint, sive an- tequam terrae tumulo ve inferatur, sive post, et ad trigesimam usque diem: contendebant praeterea eiusmodi ius confirmari ex centenaria consuetudine. Proposito autem dubio: «An liceat Pa- « rochis civitatis Firmi occasione tumulationis Cadaverum in ec- « clesia Patrum de Observantia exigere cereum, seu Intorticium