ET EMOLUMENTORUM FUNERALIUM 627

« tam die funeris tam diebus sequentibus et die Anniversarii in « casu ». S. Congregatio respondit: Affirmative quoad diem fu- neris et duos sequentes. Quo vero ad Anniversarium coadiuventur probationes. Item in causa Mediolanen. Quartae funerariaé die 2 Iulii 1731.

Quare in praesenti themate concludebat Parochus, sibi de- beri quartam funerum, quae in urbe N essent celebrata exclusis ceteris Parochis, quamquam compensationem accepisset pro ft> nere Romae non facto.

Quod si quaereretur in quo haec funerum quarta consisteret, respondebat, in ea quantitate consistere, quae invaluit iuxta con- suetudinem romanae ecclesiae a Statuto recognitam -, in cuius cap. 3 § 10 haec statuuntur: «Nomine autem quartae funeris « iuxta receptam Urbis consuetudinem venit media pars cereo- « rum, seu intorticiorum, quae vel circa feretrum tum in asso- « datione per viam, tum in expositione in ecclesia ad funus « peragendum, vel in altaribus apposita sunt ».

I URA P AROCHORUM U RBIS N. Duo Parochi urbis N, in quorum paroeciarum limite reperiebatur domus Iosephi, contendebant, proprium verumque domicilium Iosephum habuisse in ipsorum urbe in suis paroeciis; quamquam non negarent eundem et ali- quod domicilium Romae habere. Illud autem ostendere curarunt ex eo, quod tota familia ad quam pertinebat Iosephus esset eiusdem urbis indigena, in qua et ipse Iosephus natus erat, ibique possessiones haberet; ad normas civilis legis, semper ha- bitus esset Iosephus uti civis eiusdem urbis, quod ex actibus omnibus iudicialibus constaret; quod in casu mortis cuiuslibet, qui ad illius familiam pertinuerit, esset consideratus uti .verus paroecianus earundem paroeciarum; quod in ipso suo testa- mento iusserit deferri ad templum Regularium ea in urbe, ibique funera peragi. Quod si Iosephus in conducta domo Romae a multis annis degeret, id contigisse inquiebant, quod in agrum romanum sua armenta transtulisset, quin tamen umquam dimi- serit domicilium in urbe N, ad quod sese identidem conferret, ubi possessiones et propriam domum haberet.

Hisce autem positis, consequi tum ex notissimo iure, tum ex lege dioecesana, ut cum Iosephi cadaver sepultum esset in aliena ecclesia eiusdem urbis, ibique funus celebratum fuerit, sibi deberi quartam funerum.