EX S. G. RITUUM 627

sarium et, crescente aetate, horarias etiam preces quotidie per- solvat. Illius quoque castissimum sponsum Ioseph singulari de- votione prosequitur. Ad caelestis Agni epulas admissus SSmi Sacramenti exhibetur cultor eximius. Frequens erat in templo S. Barbarae et in altero S. Pauli tum ut orationi instaret, tum ut sacro convivio reflceretur. Humanioribus litteris ac superio- ribus disciplinis sedulo incumbens amplissimis laudis et hono- ris testimoniis fuit cohonestatus. Interim clericali tonsura ini- tiatus, minoribusque ordinibus auctus, quamvis se indignum re- putans ad maiores ordines ascendere constanter abnuisset, ta- men novi status officiis nunquam defuit. Verbo et exemplo non solum pueros et iuvenes sed et anglos milites ad sacramenta rite suscipienda et ad christianam vitam ducendam summopere excitabat. Ex Actis ecclesiasticae curiae Melitensis constat mi- nisterium Servi Dei, eiusque fratris natu maioris Chalcedonii presbyteri, caelestibus donis atque ubere fructu ita fuisse cu- mulatim ut sexcentum et ultra milites, inter quos sex ex iu- daica gente, abiuratis erroribus, veram fidem amplexi fuerint. Ignatius autem sollicitus erat ut milites conversi in catholica religione perseverarent. Ad hoc iam constituta fuerat sodalitas in templo Sancti Nominis Iesu, quam ipse proprio aere susten- tabat. Horis vespertinis adulti cuiusque status et conditionis in coetum coacti et catechismum a perseverantia nuncupatum audiebant et varia pietatis exercitia peragebant, dum in eorun- dem bonum sacerdotes confessionibus excipiendis praesto erant. In eo coetu Dei quoque auxilium ad anglorum dissidentium conversionem impetrandam speciatim invocabatur. Saepe sae- pius illuc conveniebant homines catholico nomini adversi qui tamen hisce operibus exemplisque praelucentibus, Deo iuvante, ab erroris tramite ad veritatis viam pertrahebantur. Dum hisce aliisque charitatis officiis assiduam dabat operam Servus Dei, in diuturnum gravemque cordis morbum incidit. Vertente an- no 1875 postquam die festo Ss. Apost. Petri et Pauli in eccle- sia ad sacram Synaxim accessisset, morbo ingravescente, sa- cramentali absolutione, fratris sui ministerio, roboratus die pri- ma Iulii piissimam animam exhalavit. Postridie obitus, corpus Servi Dei ad ecclesiam S. Mariae a Iesu delatum est: ubi po- stero mane iusta funebria persoluta sunt, frequentissimo ad- stante populo. Interim fama sanctitatis vitae quam Ignatius ad- huc vivens adeptus fuerat, post obitum in dies amplificata est.