628 EX S. G. RITUUM

Hinc super ea Inquisitiones Ordinariae in ecclesiastica curia melitensi, de more, institutae, Sacrorum Rituum Congregationi exhibitae sunt. Expetita vero atque obtenta Apostolica venia procedendi ante lapsum decennii et absque interventu et voto Consultorum, quum omnia in promptu essent ut de Causa bea- tificationis introducenda ageretur, instante Rmo P. D. Ambro- sio Agius Congregationis Benedictinae Cassinensis a primaeva observantia Procuratore, atque huius Causae Postulatore, at- tentisque litteris postulatoriis quorundam Emorum S. R. E. Car- dinalium, plurium Rmorum Sacrorum Antistitum aliorumque virorum sive ecclesiastica sive civili dignitate praestantium, Emus et Rmus Dnus Cardinalis Dominicus Ferrata, eiusdem Causae- Ponens seu Relator, in Ordinariis Sacrorum Rituum Congre- gationis Comitiis subsignata die ad Vaticanum habitis sequens dubium discutiendum proposuit: An signanda sit Commissio Introductionis Causae in casu et ad effectum de quo agitur i Et Emi ac Rmi Patres Sacris tuendis Ritibus praepositi, post relationem ipsius Cardinalis Ponentis, audito etiam voce et scri- pto R. P. D. Alexandro Verde Sanctae Fidei Promotore, omni- busque accurate perpensis rescribere rati sunt : Affirmative seu signandam esse Commissionem, si Sanctissimo placuerit. Die 12 Aprilis 1904.

Facta postmodum de his Sanctissimo Domino Nostro Pio Papae X per Emum et Rmum Dnum Cardinalem Aloisium Tri- pepi S.R.C. Pro-Praefectum relatione, Sanctitas Sua Rescriptum Sacrae eiusdem Congregationis ratum habuit et confirmavit, propriaque manu signare dignata est Commissionem Introdu- ctionis Causae praedicti Ven. Servi Dei Ignatii Falzon clerici saecularis, die 13, eisdem mense et anno.

S. CARD . CRETONI, Praefectus.

L. * S.

f D. PANICI , Archiep. Laodicen., Secret.