S. R. U. INQUISITIONIS 629

INSTRUCTIO

Pro examine illorum testium, qui inducuntur pro contrahendis matrimoniis, tam in Curia Eminentissimi et Reverendissimi D. Cardinalis Urbis Vicarii, quam in aliis Curiis cetero- rum Ordinariorum.

In primis testis moneatur de gravitate iuramenti in hoc praesertim negotio pertimescendi, in quo Divina simul, et Hu- mana Maiestas laeditur ob rei, de qua tractatur, importan- tiam, et gravitatem; et quod imminet poena triremium, et fu- stigationis deponenti falsum.

Secundo, interrogetur de nomine, cognomine, patria, aetate, exercitio, et habitatione.

Tertio, an sit civis, vel exterus, et quatenus sit exterus, a quanto tempore est in loco, in quo testis ipse deponit.

Quarto, an ad examen accesserit sponte, vel requisitus: si dixerit accessisse sponte a nemine requisitum, dimittatur, quia praesumitur mendax. Si vero dixerit accessisse requisitum, interrogetur a quo, vel a quibus, ubi, quando, quomodo, co- ram quibus, et quoties fuerit requisitus, et an sciat adesse ali- quod impedimentum inter contrahere volentes.

Quinto, interrogetur, an sibi pro hoc testimonio ferendo fuerit aliquid datum, promissum, remissum, vel oblatum a contrahere volentibus, vel ab alio ipsorum nomine.

Sexto, interrogetur, an cognoscat ipsos contrahere volentes, et a quanto tempore, in quo loco, qua occasione, et cuius qua- litatis, vel conditionis existant.

Septimo, interrogetur, an contrahere volentes sint cives vel exteri : si responderit esse exteros, supersedeatur in licentia contrahendi, donec per literas Ordinarii ipsorum contrahere volentium doceatur de eorum libero statu de eo tempore, quo permanserunt in sua civitate, vel dioecesi.

Ad probandum vero eorumdem contrahere volentium sta- tum liberum pro reliquo temporis spatio, scilicet usque ad tem- pus, quo volunt contrahere, admittantur testes idonei, qui legi- time, et concludenter deponant statum liberum contrahere vo- lentium, et reddant sufficientem rationem causae eorum scientiae, absque eo, quod teneantur deferre attestationes Ordinariorum locorum, in quibus contrahere volentes moram traxerunt.

Si vero responderit, contrahere volentes esse cives: Octavo, interrogetur, sub qua parochia hactenus contrahere

volentes habitaverint, vel habitent de praesenti. Item, an ipse testis sciat aliquem ex praedictis contrahere

volentibus quandoque habuisse uxorem, vel maritum, aut pro- fessum fuisse in aliqua religione approbata, vel suscepisse ali- quem ex ordinibus sacris, subdiaconatum scilicet, diaconatum.