APPENDIX III. 6 2 9

S. Congr. de Propaganda Fide, 2 Octobris 1724.

De Missionariis institutis a Sede apostolica relate ad Praefectos.

Cum Sacrae huic Congregationi innotuerit in aliquibus Missionibus... perniciosam eamque prorsus erroneam opinionem irrepsisse, scilicet quod missionarii eo quia tales instituti sint ab eadem S. Congregatione, quae pariter Praefectos instituit, non sint subditi sed socii eorumdem Praefectorum, atque ideo cum par in parem non habet imperium, eorum praeceptis obtemperare non teneantur : Emi PP. ad huiusmodi abusum vanamque sententiam penitus eliminandam declararunt, quod missio- narii sunt vere subditi et tenentur obedire superioribus localibus, etiam occasione transitus, et istos ac ipsorum subditos Praefectis, Praefectos vero et reliquos omnes P. Procuratori Generali Ordinis et S. Congre- gationi.

Decretum S. C. de Propaganda Fide, 24 Iulii 1626.

Missionarii quoad litteras exhibendas missionum superioribus.

Quoniam Sacra Congregatio non sine animi molestia certissime cognovit Superiores Regularium partes orientales incolentium, diversis praetextibus, et praesertim ordinariae iurisdictionis sed Apostolico pri- vilegio illis concessae, plurima impedimenta missionariis a se vel ab aliis auctoritate sua ad praedictas partes destinatis procurare, quibus perterriti, non solum a munere suo cessare, sed etiam loca eis assi- gnata deserere coguntur, simulque considerans quod frustra missiones ad orientis regiones tot expensis laboribus, ac periculis fierent, si mis- sionarii in eorum officii executione impedientur aut e locis, ad quae de- stinati sunt, deturbarentur ; ad relationem Illmi D. Card. Marcomontii, censuit missionariis quibuscumque tam saecularibus quam regularibus cuiuscumque Ordinis et Instituti, seu Congregationis et Societatis a se, vel ab aliis auctoritate sua ad praefatas regiones destinatis seu desti- nandis sufficere quod Literas Patentes suae missionis praedictis Supe- rioribus, vel eorum Vicariis, aut Ministris etiam ordinariam potestatem ex privilegio Sedis Apostolicae habentibus ostendant, ut illis ostensis sive obtenta sive non obtenta ab eis vel eorum quolibet licentia, pos- sint libere ac licite suum officium et munus exequi. Denique praeci- piendum esse censuit, prout praesenti decreto districte praecipit supe- rioribus praefatis eorumque vicariis ac ministris, ne post illis ostensas Patentes praedictas ullo modo impedire praedictos missionarios audeant,