630 MATRIMONII .

stio in tertio defensionis capite) concludebat verbis, quibus in celebri quaestione de matrimoniis Hollandiae celebratis, uteban- tur quidam eorum qui validitatem matrimoniorum sustinebant, quaeque refert Benedictus XIV. de Syn. dioec. I. 6. c. 6. §. 7.

At gradum faciens ad alterum defensionis caput inquiebat : etsi Decretum publicatum esse t , eo tamen non ligari Titium haereticum, eumque rite contrahere matrimonium cum Agnete valuisse coram Ministello: id autem ostendere curabat ex eorum sententia, qui tradunt, valide contrahere haereticos coram suo Ministro; maxime autem ex Brevi sa. mem. Gregorii XVI. dato ad Episcopos Bavariae die 28 Maii 1832: «Post haec vix est ut ali- qua addamus de aliis illis longe gravissimis casibus matrimonii inter catholicos et haereticos contrahendi, in quibus pars acatholica haberet viventem adhuc priorem coniugem a qua divortio seiuncta fuerit. Nostis Venerabiles Fratres, quanta ex divino iure sit firmitas ma- trimonialis vinculi, quod separari humana auctoritate non potest. Quare matrimonium mixtum in eiusmodi casibus non modo illi- cite fieret, sed nullum prorsus atque adulterinum foret ; prae- ter quam si priores illae nuptiae, quas haeretica pars divortio dissolutas esse autumat, irritae omnino fuissent propter aliquod, quod illi vere obstiterit, canonicum dirimens impedimentum. Porro in postremo hoc casu non solum servanda erunt ea omnia, quae supra dicta sunt, sed cavendum insuper, ut novum ipsum matri- monium non permittatur, nisi postquam causa primi connubii ab haeretica parte iam antea initi cognita fuerit ecclesiastico iudicio ad canonum normam exacto, quo connubium idem fuerit irritum declaratum.)) Ex quo documento inferebat, coniugia haereticorum inita etiam in regionibus quae subsunt Principi Catholico ( ut est Bavariae rex ) a Romano Pontifice firma et valida reputar i , ita ut non obstante civili divortio, exurgat impedimentum ligaminis, quod existere non posset, nisi verum esset connubium; proin- deque Titium, quem utpote haereticum a lege Tridentina dice- bat solutum , rite contraxisse , et ex indi viduitate contractus exemptionem Agneti tribuisse.

Ad tertium defensionis caput gradum faciens inquiebat o b - servantiam plusquam centenariam celebrationis Matrimonii mixti coram Ministellis antiquum Concilii Decretum ex desuetudine abolevisse. Atque ante omnia tradebat ea quae leguntur in Brevi