630 ASSOCIATIONIS

Tardi Ius can. un. t. 1 diss. 6 de Parochis c. 3: «Utque in primis * generalem disciplinam expendam, iuxta quam, seclusa electione, « quis est in parochiali ecclesia tumulandus, cap. 3, de sepult. « Clement. 2 eod. tit., dico nomine ecclesiae parochialis eam ec- « clesiam intelligi, in qua quis sacramenta, dum viveret, susci- « piebat; illa inquam sacramenta in quibus administrandis pa- « rochiale ius exercetur : unde colligitur, domicilium potius, quam « originem attendendam esse, adeo ut qui duplex domicilium « diversis anni temporibus contraxerit, is in ea ecclesia tumu- « letur, in cuius finibus mortuus fuerit; immo etsi tantum ex « accidenti extra parochiae fines quis moriatur, si commode ne- « queat ad parochialem ecclesiam transferri, in ea ecclesia in « cuius finibus decesserit, sepeliatur, dicto cap. 3 de sepult, in 6». Item Pirhing lib. 3 tit. 28 n. 47 et 61, et alii.

In facto porro esse, Iosephum eiusque familiam a quadra- ginta abhinc annis romanum Parochum habuisse tamquam pro- prium unicumque, a quo sacramenta perceperint et paschali praecepto satisfecerint; ideoque Parochos urbis N, quum nullam iurisdictionem paroecialem habuerint in Iosephum, non posse modo emolumenta funeralia exigere.

Multoque minus exigere posse iura associationis cadaveris; idque ex eo quod associatio cadaveris sit pars funeris, quod et in Statuto romani Cleri sancitum extat cap. 6 § 32. « Si vero « ab Urbe ad aliam regionem deferatur, Parochus Urbis ad se- « pulcri usque locum cadaver comitetur». Neque iuvare contraria adducta exempla, quae in urbe N contigerant; quorum valorem infirmare Defensor curabat, tum quod defuncti illi, de quibus ageretur, domicilium Romae non haberent; tum ex aliis rerum adiunctis.

E A QUAE EX OFFICIO SUNT ANIMADVERSA. Multa ex officio fue- runt considerata in variis causae propositionibus quorum haec seligimus atque ad invicem concinnamus. Praemisso textu in cap. 2 de sepulturis in 6 ubi legitur : « Ab eo qui duo habet do- micilia se collocans aequaliter in utroque, in loco tertio eligitur sepultura, domiciliorum ecclesiae habebunt inter se dividere cano- nicam portionem » : animadversum est, adverbium illud aequaliter intelligi consuevisse morali quodam sensu, ita ut non esset arithmetice considerandum habitationis tempus. Hoc in sensu datam fuisse Resolutionem in quadam causa Ariminen. Quartae