630 S. R. U. INQUISITIONIS

vel presbyteratum, vel habere aliud impedimentum, ex quo nom possit contrahi matrimonium.

Si vero testis responderit, non habuisse uxorem, vel mari- tum, neque aliud impedimentum, ut supra:

Nono, interrogetur de causa scientiae, et an sit possibde, quod aliquis ex alis habuerit uxorem, vel maritum, aut aliud impedimentum, et quod ipse testis nesciat.

Si responderit affirmative, supersedeatur, nisi ex aliis testibus probetur concludenter non habuisse uxorem, vel ma- ritum, neque ullum aliud impedimentum etc.

Decimo, interrogetur de causa scientiae, ex qua deinde iudex colligere poterit, an testi sit danda fides.

Si responderit, contrahere volentes habuisse uxorem, vel maritum, sed esse mortuos:

Undecimo, interrogetur de loco, et tempore, quo sunt mor- tui, et quomodo ipse testis sciat fuisse coniuges, et nunc esse mortuos. Et si respondeat, mortuos fuisse in aliquo hospitali, vel vidisse sepeliri in certa ecclesia, vel occasione militiae se- pultos fuisse a militibus, non detur licentia contrahendi, nisi prius recepto testimonio authentico a rectore hospitalis, in quo praedicti decesserunt, vel a rectore ecclesiae, in qua humata fuerunt eorum cadavera, vel si fieri potest a duce illius cohortis, in qua descriptus erat miles.

Si tamen huiusmodi testimonia haberi non possunt, Sacra Congregatio non intendit excludere alias probationes, quae de iure communi possunt admitti, dummodo sint legitimae, et suf- ficientes.

Duodecimo, interrogetur, an post mortem dicti coniugis defuncti, aliquis ex praedictis contrahere volentibus transierit ad secunda vota.

Si responderit negative, Decimotertio, interrogetur, an esse possit, quod aliquis ex

illis transierit ad secunda vota, absque eo, quod ipse testis sciat. Si responderit affirmative, supersedeatur in licentia, donec

producantur testes, per quos negativa coarctetur concludenter. Si vero negative, Decimoquarto, interrogetur de causa scientiae, qua perpensa

iudex poterit iudicare an sit concedenda licentia, vel non. Si contrahentes sunt vagi, non procedatur ad licentiam

contrahendi, nisi doceant per fides Ordinariorum suorum esse liberos, et in aliis servata forma Concilii Tridentini in cap. Multi,, Sess. 24.

Fides, aliaque documenta, quae producuntur de partibus,, non admittantur, nisi sint munita sigillo, et legalitate Episcopi Ordinarii, et recognita saltem per testes, qui habeant notam manum, et sigillum, et attente consideretur, quod fides, seu testimonia bene, et concludenter identifient personas, de quibus agitur.