650 EX S. C. RITUUM

ALERIEN. SEU PAPIEN.

Decretum Canonizationis B. Alexandri Sauli, e Congregatione CC. RR. S. Pauli Bar- nabitarum, Episcopi Aleriensis et postea Papiensis.

SUPER DUBIO

« An et de quibus miraculis constet in casu et ad effectum de quo agitur ».

Recens adhuc memoria viget honorum, quibus Apostolica Sedes adscitum inter sanctos Caelites prosequuta est Antonium Mariam Zaccaria, quo patre legifero gloriatur inclyta Congre- gatio, de religione deque omni humanitate optime merita, cle- ricorum S. Pauli regularium, qui vulgo Barnabitae appellantur. Augent hodie illius decorem Familiae totiusque Ecclesiae lae- titiam supremi honores decreti Filio, paternae sanctitatis haeredi dignissimo, Beato Alexandro Sauli.

Insignis hic Mediolanensis civis, divinae gratiae ubere co- pia praeventus, vias Domini vel a teneris annis sic arripuit ea- que alacritate cucurrit, ut et domesticis virtutibus perfectus ho- mo Dei iure sit habitus, et vehementi studio procurandae ho- minum salutis divinitus datus esse videatur. Sacri enim mini- sterii paene formam omnem expressit, sive magisterio ad opti- mam sacri ordinis alumnorum institutionem, sive scriptis editis doctrina et pietate refertis, sive coniuncta cum episcopis opera in christianae plebis regimine, sive in administrata naviter san- cteque universa familia, cuius institutum primo in flore iuven- tutis fuerat amplexus. Quibus ex omnibus facile coniici pote- rat, qualis futurus esset episcopus, si quando ad id muneris, expugnata eius modestia? vocaretur. Res autem opinionem o- mnem, non comprobavit, sed vicit. Nam et Aleriensi sedi datus antistes eo ardore restinctam insulae pietatem excitavit, sic ef- feratos mollivit mores, ut insulae Cyrnaeae Apostolus merue- rit appellari ; inter Papienses vero sic est versatus, ut haud fa- cile iudicaveris, pastoralibusne magis industriis, an veri nomi- nis prodigiis gregem suum confirmaverit. Quae signa, quum longe clarius et crebrius viri sancti tumulum illustrassent, Be- nedictum XIV permoverunt ut Beatorum Caelitum honores ipsi decerneret. Mox autem instantibus adhuc Sodalibus a S. Paulo, ut fastigium honoribus imponeretur, id est ut in sanctorum al- bum Beati Alexandri nomen accenseretur, praesertim quod bina