Index generalis 631

Iuxta Reclusium, de Concursibus, p. 2, quaest. 1, tit. 2, de devoluta collatione, haec omnia inducta fuerunt pro forma substantiali, adeo ut non sustineatur concursus si ea non fuerint praetermissa, pag. 135.

Consuetudo.

Consuetudo longissima temporis aut immemorabilis vim legis scriptae secumfert, ceu titulus melior de mundo censetur, et praesefert indulti pon- tificii praesumptionem, quin necesse sit illud probari: eoquod immemora- bilis locum probationis teneat, pag. 188.

Immemorabilis videtur, modo indirecto, exerere vim suam etiam in Tridentinum, si ipsa non allegetur ceu purum beneficium temporis seu praescriptio, sed quatenus adducatur tamquam praesumptiva probatio alicuius concessionis apostolicae: quia tunc decretum Tridentini irritans non feritur directe, sed potius agi videtur de eius non comprehensione, ibid.

Conventiones.

Conventiones verbis tantum initae iure ecclesiastico sunt servandae, pag. 331.

Conventio verbis inita haud est revocanda, si coram Ordinario ad compositionem curandam delegato, ipso testante Ordinario locum habuerit, ibid.

Eo fortius huiusmodi conventione tenentur contrahentes, si aliunde constet quod conventum est, iuxtum et aequum esse, ibid.

Ut vis et efficacia conventionum intimius pertingatur haud aspernenda est conventionum earumdem causa finalis ; quae, uti iurisprudentia docet, unicuique contractui lucem praebere solet, pag. 457.

Conventiones amplissimis et effrenis conceptae verbis, ex ipsa iuris dispositione, taliter accipiendae sunt, ut nullo coarctentur limite; quia verba generalia generaliter intelligenda sunt: et quod generaliter exprimitur de specie et de individuo dictum intelligi debet, ibid.

Ex lege 6 Digestorum, de contract. empt., eruitur, illud pro valido habendum esse, quod non solum expresse cautum fuerit, sed etiam id quod perspicue et necessario ab expressis prosequitur, ibid.

Distributiones chorales.

Distributiones ex iure communi debentur illis tantum qui divinis offi- ciis celebrandis intersunt; ideoque minime debentur clerico respectu tituli, aut tamquam canonico sed tamquam divinis officiis inservienti, pag. 599.

Proinde Tridentinum, Sess. 24, cap. 12, in usum revocando decretum Bonifacii VIII, Consuetudinem, praecepit: Distributiones vero qui statutis horis interfuerint recipiant; reliqui, quavis collusione aut remissione exclusa, his careant, pag. 600.

Neque licet Capitulo, aliquo sub praetextu, distributiones quotidianas donare, relinquere aut quavis collusione remittere alicui, qui ab Ecclesiae servitio abfuerit, vel alio quovis modo distributiones legitimas debeat amit- tere, ibid.